الأحد، 12 ديسمبر، 2010

ماذا تفعل لو كنت مكاني

بسم الله الرحمن الحيم
وبه نستعين

سيق ياض ياحنكش قدام المدونة وبخرها
ومن شر النفاثات في العقد يا سي السيد

ماذا تفعل لو كنت مكاني
الله يرحمك يا ضياء الدين بيبرس
أول من أثر في بمشاكل الناس وتجاربهم
كنت أشتري مجلة أكتوبر فقط لأجل بابه
ماذا تفعل لو كنت مكاني

إخواني المدونين
يا حتة من قلبي
المدونة دي مدونتكم
انتشروااااااااااااااااااا

ليست مدونة خاصة بخواطري أو قناعاتي
لكنها مدونة أتواصل فيها مع من يحتاج التواصل
وطبعا مش ها أتواصل لوحدي كده في الطل
دائما تلزمني آراءكم وتجاربكم وتجارب الناس اللي جنبكم كمان
يعني المشكلة من عندكم والحل من عندكم برضه
وأنا علي أنسق الفونط وأنفض العنكبوت
لأن ببساطة وماذا أفعل وأنا العبد الفقير إلى الله
وبهاذوه المناسبة يسعدني أقول 
التعليقات متشرفة أخر إشراف
والإيميلات سرية بس الرد علانية ومش ها أرد بإيميل مطلقا
وكله في الكليتش وها نفيش الهوامش ان شاء الله


أهداف المدونة:
عاوز أذن تسمعك عبر الكيبورد فقط دون إحراج؟
محتار في أمر ما والناس بتسفه من مشكلتك وبيقولوا العيل أهو العيل أهو؟
محتار في أمر كبير فعلا وبتؤمن بمقولة لا خاب من استشار؟
عاوز شورة وها ترميها وتعمل اللي في مزاجك برضه؟
إستشرت فعليا في مشكلتك حد بس مش واثق في رأيه أو في نضجه؟
عاوز تفضفض مجرد فضفضة قبل ما تنفجر ومنعرفش نجيب لك قطع غيار؟
أهلا بيك يا معلم
مكانك ومطرحك يا خويا منك لها له
لأن ببساطة أنا وكل زملائي المدونين قلبنا قلب خساية كابوتشي
وأهو منك تستريح وكمان تفيد الناس الي نفسها تتعلم وتشوف الدنيا وحكاويها واللي بيجرى فيها

عند سماع الزنة اللي في نفوخك 
دوس على الإيميل وابعت اللي انت عاوزه من غير أسماء
أو في تعليق بدون إسم
أو بالحمام الزاجل
أو مع رسول الوالي
أو في حلة مع البت أوسة الشغالة
إتصرف يعني
وخلينا نعيش ونتعايش وننتعش معا 
فالهم والغم والمشاكل وقلة الأدب اللي بودنين .. يشيلوها عشرين تلاتين أربعين
ومهما كان اللي على قلبك كابس صغير أو كبير
بالإتحاد والتعاطف والأمل بتلاقي نفسك في جنة ملونة كلها خير


وبمناسبة الإفتتاح سمعني كوكا كوكا كوكا

هناك 5 تعليقات:

Haytham Alsayes يقول...

طيب اقول ايه انا بقي في الحالة دى
لازم اخرج من العزلة اللي عملهاعلي نفسي من اسبوعين فاتوا وابارك واهني وارش الماية ام ورد علي باب المحل الجديد
ويشرفني ان اكون اول واحد زبون فيها
ولاقيت اميل ودنيا
تمام
انا بقي اللهم صلي علي الهادى تعبان جدا نفساويا بس بما اني اتعامل مع هذه الدنيا التي لاتساوى جناح بعوضة واتعامل بنظرية التاريخ ان الدنيا دوارة فلازم ولابد اخرج من اللي انا فيه واشوف ايه الغلط واصلحه واشوف ايه الصح واعمله واشوف ايه اللي معكنني واقطعه واشوب ايه الباب اللي تعابني واقفله
مبروك المدونة الجديدة
واكيد متابعها
ومحتاج دعواتك جدا عشان اخرج من المشكلة
وعندى ثقة في الله كبيرة انا اعدى واعبر الي المستقبل كعبور الحزب الوطني الي البرلمان


تحياتي يادكتورة ستيتة الجدعة

غير معرف يقول...

انا محتاجه المدونه دى
ادعيلى كتير
حد غاب من زمان عن التدوين بس ماغابش ولا لحظه عن المدونين والمدونات اللى بحبهم
بحبك

sony2000 يقول...

ألف مبروووووك ياممتيييييييي:))))
هكون هنا كتيييير
قعده وبايته اهو

adel يقول...

اسامة منير ياربي :)

مدونة رحلة حياه يقول...

السلام عليكم
مبروك وكمان مبروك وكمان مبروك هو احنا بندفع حاجة
صحيح قلب خساية عندك حق من كتر همومه قرب يدبل
اتمنى لك النجاح