الأحد، 26 ديسمبر 2010

أبي الوحش الآدمي .. يارب يموت


اترددت كتير اني اكتبلك
اترددت كتير اني اتكلم تاني مع بني ادمين
اللي اعرفه ان لكل مشكلة حل
بس مشكلتي ملهاش حل

ملحوظة :
وانا ببعتلك الرساله قريت اخر بوست بتاع الشاب المعقد من والده
تفاصيل كتير مذكرتهاش عندي في رسالتي قريبة جدا من تفاصيل رسالته !


زي مانتي شايفة فالعنوان كدا بالظبط
بكره ابويا
وبتمني موته

وللاسف خايفة اكون كدا عاقة لابويا
انا بقيت بدعي يموت في كل صلاة
بدعي ربنا يهده

ااااه يا ستيتة
مشكلتي كبيرة معاه
من وانا صغيرة
بالرغم اني كنت ف صفه كتيرررر
لحد ما من كتر اللي بيعمله شوفت حقيقته
وكرهت الدنيا بسببه
كرهت نفسي في فترة بس رجعت تاني لنفسي علي امل اني كدا او كدا هاعيش لحد ما ربنا ياخده او ياخدني

استحمليني بحاول اختصر بس مش قادرة
حاسة اني ولاول مرة هتكلم واقول كل حاجة خنقاني
هتكلم وانا ورا الشاشة
محدش يعرف مين انا
ومحدش يعرف مين ابويا
محدش هايقول ياعيني يافلانة

مش عارفة ابدألك حكايتي بشخصية ابويا الغير سوية
ولا بعمايله الغير سوية برده ولا ايه ؟؟

المشكلة من البداية
زواجه من أمي !
عدم تفاهم بالمرة
امي بتحبه فبتستحمل اللي بيعمله
مع اني فيه وقت قولتلها منك لله انك استحملتي كنتي اتطلقي
مطلقة ومعاكي طفلة واحدة معقدة احسن من 3 شباب كبار دلوقتي نفسيتهم متدمرة بسببه !

اهانة ! .. أسوء الفاظ .. مد ايد ..!
جميع انواع العنف سواء لفظي أو معنوي او مادي

وانا صغيرة كان بيحاول يقنعني ان امي وحشة
لدرجة اني كنت بتخانق مع ماما عشانه لما تعيط من اللي بيعمله فيها

تخيلوا !
اب بيسلط بنته انها تهين امها ؟

ياااه وقت ما كبرت شوية وفهمت انه هو اللي ظالم مش هي !
بحاول اعوضها عن كل دا ومازلت مش قادرة

ابتديت اتدمر واحدة واحدة من عمايله
كل حاجة .. كل حاجة

اللي جاي دا يا دكتورة ممكن تحذفيه لو مش عاوزاه يتنشر ! ..
بس ع الاقل اقريه وحسي بيا فيه

وانا في اواخر ابتدائي مثلا كدا او اوائل اعدادي " مع العلم اني كنت من المتفوقين دراسياً "
ابتديت احس بحاجات كتيرة بابا بيعملها معايا مريبة وانا نايمة
" اه اكيد اللي في بالك يا دكتورة "
كنت بتضايق وبفكر تفكير وحش فيه
انا معرفش ان اللي بيعمله عيب
بس احساسي اني متضايقة
مخنوقة
طول الوقت بفكر ازاى اخليه مايجيش جنبي !

الحكاية دي طولت معاه
كل فترة يحصل نفس الشئ
لحد دلوقتي !

لا .. يمكن كان اخر مرة من 8 شهور كدا !

قولت جايز ربنا هداه !

بس من كام يوم كان في خناقة بينا
هاحكيها بعد شوية

فتحلي سيرة اللي كان بيعمله
وبيقولي زي القطة الي بتاكل عيالها
عارف احتياجاتك
وبحاول اشبع غرائزك عشان متعمليش حاجة برة
وعارف حدودي اللي تخليكي زي مانتي " بنت "
انا اب وخايف عليكي قدري دا !!

حسيته فاهم وعارف كويس هو بيعمل ايه والأهم انه مقتنع انه صح !!!

هتقوليلي مبتحاوليش تقوليله متعملش حاجة ليه ؟
هاقولك مبلحقش .. بيقنعني انه بيحبني وخايف عليا
وانا بشر برده !!
انتي اكيد فهماني ؟

دا غير الاهانة الابدية اللي بشوفها
اسوء الفاظ بتتقال
انا نسيت اقولك اني خريجة جامعية لكلية من كليات القمة
يعني فكريا كويسة .. الي حدا ما مثقفة ..
بس معنديش ثقة ف نفسي
من كتر ما هو بيهد ثقتي في نفسي
كل حاجة يقولي مبتعرفيش تفكري - تتصرفي -- غبية - كذا وكذا وكذا
معظم الناس بيقولو اني علي قدر من الجمال
انا ببص لنفسي ف المراية مش شايفة اي جمال ؟
متخيلة يا ستيتة ؟

فكرت ادور ع الحنان برة البيت


أو مدورتش أنا لاقيته جايلي لوحده وأنا في 2 اعدادي
ابن الجيران .. اول حد يقولي بحبك !
استغل اللي بابا بيعمله وصوته العالي دايما وخلاني احبه
لحد 2  ثانوي بحب ابن الجيران اللي اكتشفت انه مبيعملش اي حاجة غير انه يتسلي بيا وبغيري
بس كنت مبسوطة لانه كان بيحسسني بأدميتي !
بالرغم من اني كنت اصغر منه بكتير
بس كان بيسمع كلامي .. بياخد رأيي .. كفاية انه بالرغم من اني مكنتش مهتمة بنفسي " كلبس ومنظره وكدا " بس كان بيقول عليا جميلة

فوقت .. وانتهي الموضوع
واهتميت بدراستي بس
جبت مجموع هايل في الثانوية العامة
دخلت كلية محترمة
"وابويا زي ماهو "
فرحتي ضاعت في السنتين بتوع الثانوية العامة
من كتر الخناقات اللي مع ماما
واللي كانت في عز الامتحانات
اللي كانت في عز فرحتي بنجاحي
اللي كانت في عز تفوقي اللي بيحسدني عليه ناس كتير !

باختصار الشوية اللي جايين دول
غصب عني اتجهت تاني اني ادور ع الحنية برة

دخلت شات .. عرفت شاب ارتحت معاه
بس لما حسيت ان الموضوع ملوش اخر سبته

دخلت منتدي واتعرفت على شاب تاني
دا حبيته بجد جدا
جايز لانه عوضني مليون ف المية عن كل حاجة وحشة
بس برده الموضوع مكلمش !
لانه من محافظة غير محافظتي
اتوجعت اوي لما بعدنا ..
بس من كتر الهم اللي شيفاه والاهانة سواء ليا ولا لأمي قولت مبقتش فارقة
قعدت ع النت بالساعات
عملت كل حاجة ع النت
كل حاجة متناقضة بجد
من قراية كتب
من بحث عن معلومات كتيرة
من شات وحاجات مش كويسة !
كل حاجة ..

مكنتش راضية عن نفسي
بس مش قادرة اعمل اي حاجة غير كدا
حتي لما بحاول اقف بين ايدين ربنا واصلي وادعي
بحس اني مش عارفة اتكلم مش قادرة انطق
كل فترة كنت اصلي وابكي
وادعي
بس كام يوم وارجع تاني زي مانا واسوء كمان

طول مانا بعيدة عن ابويا
كويسة جدا
مرتاحة نفسيا
قريبة من ربنا

ودا بحكم شغله ممكن اقعد ايام مشوفهوش
لكن برده ممكن اقعد شهوووووور بشوفه وبسمع صوته وكلامه واهانته وكل حاجة بصفة مستمرة !

السنة اللي فاتت ابن عمي طلب يرتبط بيا
فرحت
قولت واحد من دمي وهيحافظ عليا
اصل اللي ابويا بيعمله ربنا مش هيسيبه كدا
كما تدين تدان
اكيد هيتعمل فيا
ففرحت بابن عمي
وقولتله هاقف جنبك
معندهوش شقة كان هيتجوز ف شقة ابوه وامه
قولت مش مشكلة .. المهم اهرب من اللي انا فيه مع حد بيتقي الله فيا

واااه لما اكتشفت ان ابن عمي دا طينته اسوء من طينة ابويا
في كل حاجة
كذب .. خيانة ! ..
مش بيخوني بس بيخون اهله
مفيش واحدة من اقاربنا معملش معاها حاجة مش كويسة !
حتي انا كان بيحاول كتيرررررر !!!

هو دا اللي قولت هيتقي اللي فيا ويحافظ عليا!
طبعا مشاكل تانية بيني وبين بابا بسبب الموضوع دا
اني وافقت ف الاول وبعد كدا رفضت !
والموضوع انتهي

وبسبب الموضوع دا تقريبا اتغيرت 180 درجة
انتظمت ف الصلاة
وجه بعدها رمضان .. صيام على اكمل وجه .. وصلاة تروايح وقراءة قرآن واذكار

وبقيت ادعي ربنا يبعتلي الزوج الصالح
وسبحان الله بعد رمضان بشهر او اتنين
اتقدم لخطبتي واحد " ابن صاحب بابا "
مكنتش اعرفه
بس حصل راحة من اول نظرة وكلمة
في خلال تالت مرة شوفتها فيها حبيته وحبني جداً

بابا كان بيقنعني بالموضوع دا وانا كنت رافضة جواز بالمنظر دا
بس هو قالي اسمعي كلامي وهتكسبي

بالرغم من اني فاقدة الثقة فيه وفي كلامه
بس سمعت كلامه
وفعلا خطيبي انسان ممتاز
وعملنا خطبتنا
بس من يوم الخطوبة وفي مشاكل كبيرة اوي بابا عاملها

كرهني في نفسي
كالعادة ضاعت فرحتي
يوم خطوبتي اصحي من النوم الاقيه " بيلف سجاير حشيش "
طبعا انهارت
لاني اتوقعت اللي ممكن يحصل ف الفرح ؟
ضربني ولا همه ان انهاردة يوم فرحي
وكالعادة هو مقتنع انه صح مش غلط انه يشرب حشيش هو واصحابه وفرح بنته يتقلب غرزة !

اتخانق مع ابو العريس اللي هو صاحبه وبهدله عشان ماديات حقيرة لا تذكر
مشاكل مشاكل مشاكل
من يوم خطوبتي لدلوقتي
اكتر من شهرين
بتعذب
خطيبي انسان ممتاز
بيتقي الله جدا
بيعينني علي التقرب لله
كل يوم الفجر يصحيني نصليه وندعي سوا ربنا يجمعنا ويقربنا اكتر
بيخاف عليا جدا ودايما يقولي متزعليش الخير جاي

خايفة اخسر البني ادم دا
خايفة اخسره بجد

ابويا بقي مش عارفة ناوي على ايه
شوية يقولي هافركش
دول ناس مش كويسين
انا شتمت الراجل ومتكلمش !
شوفتي راجل معندهوش كرامه كدا ؟

امي تعبت جالها جلطة وهو متهزش
قالها ان شالله تموتي
انا جالي انهيار عصبي
قالي في ستين داهية

اختي الصغيرة اللي عندها 10 سنين
بقت تعيط وتقول ربنا يهده !

اخويا اللي في العشرينات حتي
كل دوره في الحياة انه من وقت ما خلص تعليم وبقي بيشتغل
بابا بقي يسحب فلوسه
قاله مش هتخطب الا لما تجهز اختك قاله حاضر
قاله عاوز فلوس اجيب شقة كبيرة وخد انت بتاعتنا الصغيرة قاله حاضر
بيستنزفه دايما
لدرجة ان اخويا دلوقتي كمان بيقول انا بحلم اني بقتله

انا نفسي بفكر اموته
بفكر في طرق غريبة عشان اموته
بفكر احط برشام مخدر في اي مشروب واخلص منه
بفكر اموته بسكينه وارتاح

برجع استغفر ربي
بس بجد تعبت
بقيت متدمرة نفسيا وحتي صحيا !

ساعات بتخيل ازاى هاستحمل مسئولية بيت وانا نفسيا مش متظبطة !

انا دلوقتي اتحسنت كتير
قربت من ربنا كتير
قريت كتير
اتحديت نفسي كتير اني ابطل اي حاجة غلط بعملها
بس ما زلت مش متظبطة
ومش عارفة اعمل ايه مع ابويا اللي بيدمرلنا حياتنا كلنا !

تعبت بجد
تعبت ومش لاقية حل
تعبت وبتمني موته .. او موتي !
بدعي انه يموت في كل صلاة وفي كل وقت !

كرهته اوي بجد
اه بكره ابويا اوي اوي اوي ومش ممكن احبه تاني ابدا
وهفرح بموته اوووووووي

ملحوظة تانية غير اللي فوق .
هو ليه الابهات بقو وحشين اوي كدا ؟
اللي في الرساله اللي فاتت
وابو جارتي
وابو صاحبتي
ليه الابهات انانيين وبس
مع ان المفروض يفكروا في عيالهم قبل انفسهم !

هناك 62 تعليقًا:

ستيتة حسب الله الحمش يقول...

حبيبة قلبي

أنا نشرت موضوعك على وجه السرعة لعدة أسباب

منها اللي يشوف مشاكل الناس تهون عليه كتير مشكلته
ساعات ربنا بيبعت لنا قصص تخلينا نقول مشفناش حاجة في الدنيا

ثانيا وده الأهم لأني زعلانة جدا انكم بتفكروا في نهاية له على إيدكم
ولا تفكروا حتى بالهزار
اتكلموا مع بعض
اللي بيتكلم مش بينفذ
اتكلموا واللي يقولها التاني يقول له لأ
لأ
لأ
مش ها تبقى نار دنيا وآخرة
مش ها يبقى سجن صغيرين وكبار

مجرد مرور الخاطر الإبليسي ده لأ

ها نتكلم كتير مع بعض

وبعتذر لصديقي اللي نشرت القصة دي بسرعة وهو مؤكد ها يتفهمني

الحدوتة هنا محتاجة حلول

محدش يلبس وش الواعظ ويلوم
خلونا في حلول عملية ترضي الله وتهون على صاحبة الإيميل

انا شاكرة لك جدا إني كنت أهل ثقة إنك تشاركيني همك
ياريت اقدر اخدك في حضني دلوقتي حالا فعلا لا قولا

تحياتي لك ولعائلتك كلها
وها نتكلم كتير

ربنا معاكم

ستيتة حسب الله الحمش يقول...

مين قال ان كما تدين تدان إن حاجة وحشة ها تحصل لك من عمايله؟
هو ده ظنك بالله الرحمن الرحيم العدل الكريم عالم السر وأخفى؟
لأ يابنتي مش ها يخلص فيكم حاجة
إلا ما اقترفت يداك
يعني اللي تعمليه وانتي كبيرة كده دلوقتي
مفيش شيء اسمه احتياج
اللي يترك شيء لجناب الله ربنا يعوضه خيرا منه
وطالما هناك توبة
وحلاوة ايمان كمان
مش كده
لأ ده ربنا بيفتح لك باب بعد التوبة مباشرة بخطيبك
يبقى تكون توبتك توبة صادقة قوي
وممنوع يجي جنبك
وتنيمي اختك في حضنك
وهل والدتك عارفة ولا لسه؟
اصل ده ها يترتب عليه كلام عاوزة اقوله لك
ياريت تقولي لي في تعليق او ايميل زي ما انتي تحبي

اللي رزقك خطيب طيب صالح بعد التوهه وبعد التوبة وبعد كل الغم والنكد ده
قادر يحافظ لك عليه لحد ما تخلصي

zikooooo يقول...

السلام عليكم ورحمه الله وبركاته
فعلا انتي في امتحان وظلم كبير جدااا مش كلنا نستحمله
انتي اللي شوفتيه في حياتك مش شويه
عايزك تتصوري بس ازاي هيكون ثوابك عند ربنا بسبب اللي مريتي بيه
وبعدين كمان ربنا بعت لك بصيص امل وهو خطيبك حاولي تفميه انك بتحبيه واكيد كمان هو بيحبك وفهميه انك علي خلاف مع ابوكي بس اوعي اوعي تحكي التفاصيل
وهقولك كمان فات الكتير والاليم واكيد كلها شهور وتبداي مع شخص بتحبيه
وانا صراحه مش هعمل فيها واعظ واقولك حبي ابوكي لاني لو منك مش هعمل كده فاقل شيئ تعمليه ادعيله في كل صلاه بالهدايه والهدايه
بس فعلا اللي هيخلصك من عذابك انك تتجوزي خطيبك اللي بتحبيه وعلي لاقل حسسي نفسك انك اتولدتي من جديد معاه وانسي وانسي كل اللي فات عشان متتعذبيش

يا اما في حل تاني معرفش نتيجته انك مع ابوكي متبقيش دايما مذلوله ومكسوره
وضعيفه الافضل واجهييه وخليكي قويه
وعرفيه كل غلطه

والاهم من كل ده هو ربناااااااااااااااااا

اللي فاضلتي مقاومه للنهايه ربنا هيعوضك ان مكنش في الدنيا يبقي في الاخره

كلمات من نور يقول...

لله الأمر من قبل ومن بعد

مش عارفه أقولك إيه بس والله يا ابنتي من سنين فاتوا اتعرفت على شابه اللي بتحكيه انتي كأنه شريط سينما معاد ولولا انها كانت قوية وعملت اللي انتي عملتيه من قرب لله و خطبة لإنسان طيب كان زمانها غير دلوقتي ...إنما هي عرفت إن الفلاح هو القرب من الله .حاربي علشان زواجك من الشخص داه بشراسه وقربي من ربنا وبدل ما تدعي انه ياخد ابوكي ادعي انه يبعده عنكم بكل الطرق الإلهيه فدعوة المظلوم لا ترد

والله يا بنتي اللي يقف عند باب ربنا .ربي عز وجل لا يرده أبدا ...التزمي بابه وابتعدي عن طريق أبوكي في الفترة القادمة وتوسلي لله عز وجل أن يحفظك ويوصنك واحترسي على اختك الصغيرة الله يكرمك يكفي ما حدث معك

فاتيما يقول...

ازيك يا ستيتة

انا مش هنصح صاحبة الحدوتة
بحاجة كبيرة
انا هقولها بس جملة بسيطة


فاقد الشىء ممكن يعطيه كويس قوى
واللى شوفتيه من حرمان ف حياتك
انتى قادرة تدى عكسه اصعاف
بس تجيلك الفرصة

حياتك ان شاء الله تبتدى
والجوازة تتم
وربنا يكرمك ويعوضك بخطيبك خير
ووقتها هتعرفى تكونى زوجة وست وام وحبيبة وكل حاجة كويسة
بس ادى لنفسك الفرصة
وافتحى قلبك لشريك عمرك
انا مع نصيحة الاخ زيكو
متحكيش ادق التفاصيل عشان العلاقة بينه وبين خطيبك متخربش للأبد
انتى متعرفيش بكرة شكله ازاى
وشبه الأب اللى عشتى معاه دا ربنا هيردله قسوته واذاه وهتشوفى بنفسك وساعتها هيصعب عليكى وتبقى عاوزة تطبطبى عليه .. كمان
آه متستغربيش
النوعية دى من الناس جبروتها بيت مش قش وبس تيجى ريح ف معاد معلوم
تلاقيهم كوم تراب .. يصعب عليكى

صعب عليا اقولك حاجة
معرفش انصحك بإيه
غير النصيحة اللى سمعتها زمان
لما مشاكلى ابتدت
و كانت عاصفة برضو لا تهدأ
ساعتها كنت حاسة ان مفيش حاجة بتخلص
وان لا نهاية لعذابى انا واهلى وابنى
وقتها سمعت نصيحة مخلصة من حد مقرب
قالى يا بنتى
حاولى تعيشى اليوم بيومه
متفكريش ان الدنيا هتفضل كدا
لأنها مش هتفضل كدا علطول
بس انتى لو قعدتى تقولى امتى ؟
هتتعبى ومش هتستحملى النهاردة
كان بيجيلى افكار سوداوية كتير
وبشوفنى فى اضعف واصعب حالاتى
واقول بكرة اسود قوى
بس النصيحة دى جابت معايا نتيجة
ولقتنى بفكر اخلص يومى ازاى
ومبصش لبكرة
أى كان فيه ايه منتظرنى

فكرى ف النهاردة وبس
لحد ما الوقت يعدى
والخطوبة تكمل بجوازة
وتروحى بيتك
وقتها الضغط عليكى هيخف
واخواتك واحد ورا التانى يلاقى خلاصه
او ربنا يساويها من عنده
ف المعاد المعلوم


انا عارفة ان تعليقى مفيهوش حاجة كويسة ولا نصيحة ممكن تساعد
بس حبيت اكتبه
ف كل الأحوال


ربنا ياخد بيدك
ويصلحلك الحال
يا رب

Unknown يقول...

السلام عليكم

طبعا قرأت مأساتك أختي الكريمة بكل ألم والله..
وأحييك وأهنئك على تقربك من الله في الفترة الأخيرة، ثم أدعوكِ لمزيد من التمسك بخطيبك ومحاولة إنهاء عقد الزواج بأسرع وقت.. فهذا مما سيبعدك عن والدك ويحميك منه بإذن الله..

ولكن حتى يكون كلامي عمليا أكثر كما نصحت دكتورة ستيتة، أرى أن يكون لك تواصل مع طبيب نفسي متخصص في الاضطرابات الجنسية، لأني -مما أفهم من الرسالة- أرى أن نفسيتك أصابها تشوه لا بد من علاجه قبل الزواج.. لتستعيدي ثقتك في نفسك وتكوني قادرة على تحمل مسئولية بيت قادم..

وأفضل من أرشحه لذلك هو د.وائل أبو هندي.

تحياتي مع تمنياتي بأن يزيح الله عنكِ الهم ويفرج كربك في أقرب وقت.

الحياة الطيبة يقول...

السلام عليكم ورحمة الله وبركاته أختي ستيته ,كم هزتني مشكلة ,ابنة الوحش الآدمي ,إليك الحلول والله الموفق
*إذا تجرأ الأب وحضر لغرفتها عليها أن ترفع صوتها وتقول له :ماذا تريد أو تنادي أحد إخوتها ...هذا النوع الجبان سيخرج على طول لأنه يدرك أنه دون البشر ودعها لا تخاف من العواقب ,ما أقصى ما سيعمله ؟هل سيضربها ؟ فاليفعل ولا أن تستجيب له .
*إن كانت متأكدة من أن اختيارها لزوج المستقبل عليها أن تتمسك به ...أولاً لا تخبره بما كان بينها وبين والدها أبدً .
ثانياً خلافاتها مع زوجها تحلها داخل بيت الزوجية دون تدخل من والدها حتى لا تعود له وتختفي حينها حدوده معاها .
*وكما قات أختي ستيته يجب أن يكون هناك تواصل بين البنت وأمها وإخوتها ,عليهم أن يعوضوا بعضهم البعض الكلمة الطيبة والحنية وإن يلتفوا حول والدتهم ويكونوا أكثر حزم ولا يستسلموا له ....لا يجب أن يترك هذا الإنسان يعيث في الأرض الفساد ويهلك نفسه في الدنيا والآخرة ويترك خلفه أبناء محطمين مهزوزين منحرفين قابلين للإنقياد ...الأب قوة وحماية ودعم وظهر أما هذا الأب فقد خالف فطرته .
*بدلاً من أن يشتري الإبن شقة أكبر لوالده فاليسكنوا فيها وليتركوا والده لعله يشعر بذنبه ويعود عن غيه ويصلح ما بينه وبين الله وليتفقده أحد الأبناء أو يسكن معه إلى أن يعود لرشده .
*أما فكرة إنها تموته فهذا ليس حل فهو ميت أصلاً وأهلك نفسه ثم هو عقوق وحرام .
لا تتخلى عن نفسها مرة أخرى عندما يقترب الوالد من غرفتها ...لا يجب أن تتخلى عن نفسها ,يجب أن تستعين بالله وتشعر بقوتها لأن الله معها ,لا سلطة للوالد أو طاعة فالله أحق أن نخشاه ما يفعله الوالد هو قتل لآدمية الإبنة ,الآن هي كبيرة عليها حماية نفسها وأختها الصغيرة ,هو مستمر لأنه لم تطلع أحد فالتهدده بأنها ستطلع الجميع ...مجرد تهديد لعله يرتدع .
هي بحاجة لمساندة ,بحاجة لمن يقف بجانبها يدعمها ويتابع معها حتى لا تستسلم .
عليها الإستعانة بالله وربط قلبها به فهو خير معين .
ودمت أختي ستيته صاحبة هذا المنبر والملاذ لكل من شعر بالألم وبحث عمن يستخرجه منه ...جعله الله في ميزان حسناتك وعذراً إن كنت قاسية بعض الشيئ ,دمت بخير غاليتي.

غير معرف يقول...

صباح الخير
يا بنتى ربنا يعوض صبرك
وابتلائك خير يارب
مش بايدك تعملى شىءغير الصلاة والدعاء
حكايتك حكايه لما قريتها ذهلت الصراحه
ومش عارفه اقولك ايه
مش متخيله ان ممكن اب يعمل فى بنته كدا !!!

لكن متخيله انه ممكن يهين او يضرب او يشتم
بس الشىء التانى دا ؟؟
لا حول ولا قوة الا بالله العلى العظيم

تمسكى بخطيبك لانه هو طوق النجاه بالنسبه ليكى فى وقتك الحالى

من كلامك انه راجل متقى وبيصلى وبيحبك
ربنا يجعله من نصيبك وتتخلصى من حياتك مع والدك

انتى يا حبيبتى مقترفتيش ذنب عشان ربنا يخلصه فيكى ...

انتى اللى موجوعه وربنا هيكرمك باذن لله

انتى صبرتى كتير اتحملى اللى جاى لحد ما تعدى بر الامان ...
وخدى بالك على مامتك واختك البنت

خليكى زى ما انتى صلى واكثرى من قرأة القرأن خالى صلتك بالله كبيره
ادعلى لوالدك بالهدايه

وياعالم يمكن ربنا يستجاب دعوتك وينصركم يارب انتى ومامتك واخواتك

ربنا معاكى يا بنتى
ويريح بالك
يارب

مدونة رحلة حياه يقول...

السلام عليكم
بصراحة مش عارف اقول ايه
المجتمع بقا بالشكل دا مفكك ايه دا هو فين الدين و فين الناس هو فين الاحساس هى فين القيم هو احنا فين
يا ابنتى متخليش ابوك يعمل كدا لو هو عاوز يتعذب ليه تروحى معاه
مش عارف ربنا يفرج من عنده
فصبر جميل والله المستعان على ما تصفون

سواح في ملك اللــــــــــــــــــه- يقول...

سلام عليكم
انا اسف في الكلام

بس لو ده حقيقي
يبقي الحيو----- ده لو بييجي بالتهديد
هدديه انك هتفضحيه قدام الناس كلها
الاصناف اللي زي دي تخاف متختشيش
لو مارتدعش بالتهديد
وانا واثق اللي زي ده هييجي بالتهديد
شوفي مين راجل صالح وليه كلمه في عيلتكم
وقوليله كل حاجه ولو محللش حاجه
بدل ماتموتيه وتروحي في ستين داهيه
بلغي عنه النائب العام
انا اعتقادي انك لو اتجوزتي مش هيسيبك في حالك
متقوليش حاجه لخطيبك عشان هو كمان ميستغلهاش نقطة ضعف والا حاجه
مالبشر مبقاش مضمون
وبصي بقي
والوضع اللي انتي مش راضية عنه
لو انتي حقيقي مش راضيه عنه
مش هتخشي الشات وتعملي الكلام الغلط
بس عايز اقوللك برضة حاجة
احيانا في بنات بتكدب
في الكلام ده واتكررت كتير
وحصل ان بنات اتهمت ناس ملهمش ذنب لتحقيق شئ ما
ربنا مش هيسيبك
معلش محدش يفتكر اني بتجني علي البنت
بس دي حصلت
انا قلت اللي ليكي وعليكي

ويكا يقول...

بالرغم من ان القصه دى تتكرر كثيراً
وبالرغم من انى لدي حلول عمايه كثيره تطرق لها كثير من الاخوه ، الا انها لدي بالتفصيل العملى حتى يُتمكن من تطبيقها ......
الا انى .....

لا اعلم لماذا لا اريد ان اعلق او اكتب اى شئ ......

انا بعتذر جدااااً ، ولو استطعت ان اتى مره اخرى لكتابة ما استطيع كتابته سآتى باذن الله.

اللهم اصلح شأن هذه البلد وارفع عنها ظلمها اهلها لانفسهم
اللهم ردنا الى ما فرطنا فيه رداً جميلاً ، حتى لا يؤاخذ الابرياء منا بما فعلنا .......
اللهم اهدنا ...... يارب اهدنا جميعاً ليس والدها فقط ....

فلا اعلم لماذا اشعر بمسئوليه قويه تجاه ما يحدث لها .... واشعر انى مشارك فيه ......... لذا لا استطيع ان اعلق على القصه .....

اسأل الله ان يردنا اليه ويحسن قدومنا عليه ..... فهو بكل جميل كفيل ... حسبنا الله ونعم الوكيل ....

انا حزين عليا وعلينا .....
احنا لازم نفوق .... علشان الابرياء ما يؤاخذوش بذنوبنا ..... اعلم ان كل نفسى بما كسبت رهينه ..... الا انى اعنى فى الدنيا وليس فى الاخر ... لا يؤاخذوا بذنوبنا فى الدنيا ......
اسف على الاطاله الا ان قلب من حالنا بعد قراءة هذه القصه منفطر

حاجات جوايا يقول...

لا حول ولا قوة الا بالله
والله انتى فى هم عظيم
اسال الله ان يفرجه عنك وعن والدتك واخواتك وخصوصا اختك الصغيرة
والله منا عارفة اقولك ايه
بس لازم تعرفى مامتك بكل ده
هى مستحملة كل ده عشانكوا انتوا
ومش ممكن تقبل ان جوزها ( مش قادرة اقول ابوكى ) يعمل فيكوا كده
لو حاول يقرب منك تانى على صوتك وهدديه وقوليلها فعلا
وهى هتتصرف كويس
او لو ليكى خال قريب منك احكيله
او حتى اخ ويكون افضل
انا افضل ان الموضوع ميخرجش من الاسرة
عشان الكلام ميوصلش لخطيبك
ولا لجيرانك
انتى عارفة الناس فى الزمن ده مش بتفرق بين ظالم ومظلوم

عايزة اقولك بلغى عنه البوليس لو عمل قعدة حشيش عشان ترتاحوا منه
بس برضه ده هياثر على سمعتكوا وخصوصا قدام خطيبك

مش عارفة بجد اقولك ايه
بس لازم تكونى قوية
قوية جداااااااااااا
هو اكيد هيخاف منك
فيه ناس كده تخاف متختشيش
منه لله
ربنا يصرف شره عنكوا ويبعده باى طريقة ويفرج كربكم
او يهديه
ربنا كبير

richardCatheart يقول...

لا حول ولا قوه الا بالله

انا كنت دخله ارد على مشكله الشاب دخلت لقيت مصيبه الله يعينك

اعتقد انك فعلا لقيتى الحل وهو التقرب من الله قدر المستطاع امسكى بحبله وماتسبيهوش

وامسكى فى خطيبك وماتسبيهوش

وهو ليه ربنا المنتقم الجبار

التفكير فى موته على ايدكم مش حل
انما مأساه خاتنتهى بكارثه وواحد فيكم هايضيع فى كلب

حلى اللى فكرتلك فيه

امك ترفع خلع
واخوكى المستنزف ماديا ياخدكم فى شقه اجار جديد وينزل من حسابتكم ومن حياتكم

لازم تقفو كلكم ايد وحده
وتعمل حاجه عقلانيه
ولو اتعرضلكم روحو القسم واعملوله
محضر عدم تعرض


عندى حزن شنيع بسبب القصه دى واللى فاتت خلتونى افتقدت ابويا الله يرحمه اكتر ما انا مفتقداه

ربنا ينتقم من ابوكى يا شيخه

ويهدلكم الحال ويعنكم

ستيتة حسب الله الحمش يقول...

يابني اللي داخل تشتمني

طب مزنوق تشتمني أو تهينيني - وخسئت ولا أجعص منك - مالك ومال صاحبة القصة

طب علي النعمة إحنا لو عرفنا قصتك انت لنبكي عليك مع إنك عامل فيها جامد
يابني ربنا يهديك ويهدي لك نفسك روق شوية
ولو معافى احمد ربنا على العافية واحترم نفسك شوية
طب ها اشتمك اكتر من كده ايه وانت فيك كل العبر

يا بابا ارحم نفسك ونفسيتك شوية انا خايفة تقع منلحقكش
طب والله العظيم انا لا احمل عليك شيء
انت غلبااااااااااااان
أغلب من الغلب
مالك ومال كليات القمة وكليات القاع والناس اللي بقدر الله في القمة
يا حبيبي ده رزق ربنا وكلنا عندنا نفس مقدار الرزق على إختلاف أنواعه
يعني لو بس بصيت لنفسك شوية ها تلاقي كرم ربنا لاحقك لدرجة ان نفسك تهدأ كده ومتبصش للناس في رزقهم
لا حول ولا قوة الا بالله

يابني ربنا يهديك ويهدي لك نفسك ويرزقك بنت حلال من نفسك نوعك علشان هرمونتك تهدأ
ويبعدك عن بنات الحلال التانين اللي في بالي

أكتب ما تشاء لصاحبة الرسالة دون مجايب سيرتي وانا ها أنشر تعليقك كما هو ومتهينش البنية
ان كنت شايف فيها وفي عائلتها العبر
هل ضمنت مين ها يربي ولادك؟

كلمة طيبة سمعتها من صديقة يعاملها أهل زوجها أسوء معاملة
قالت أنا اعامل الناس بالطيب مش علشان انا هابلة
علشان معرفش مين ها يربي ولادي واطمع ان ربنا يجعل نصيبهم رفقة الصالحين

فبلاش التشدق ده قطيعة تقطع الحمير

رحاب صالح يقول...

اول مرة ادخل المدونة لما لقيت العنوان شدني عند دكتورة ستيتة ...
زميلتي في الكلية تقول لي نفس الكلمة عن باباها المتوفي ...لو كان عايش هدعي عليه يموت لاني بكرهه...
بعدها بشوية تقولي لاء ده كان طيب...تحكيلي مواقف فظيعة كتير وبعدين تتذكر موقف حسن له....
انا مع فاتيما جداجدا جدا...
واحمدي ربنا ان لك خطيب صالح هيعينك علي كل شيء ان شاء الله...مش هقولك اصبري ...لاء حاولي انك تفهمي والدك باي طريقة اللي بيعمله ده غلط...اتفقي مع اخواتك علي هدايته واحدة واحدة وان شاء الله ربنا هيكرمكم وياخد بيده ...
بستغرب فعلا ليه ذكروا في القرآن عقوق الوالدين ومذكروش عقوق الاباء للأبناء...؟؟؟؟
ربنا معاك

Ramy يقول...

دكتورة ستيتة

مش عارف اقول ايه و لا أكتب ايه

ربنا معاها و ينجدها هى و ممتها و أخواتها

من انسان غير طبيعى

مش أنسان


عارفة يا دكتورة انا عاوز اكتب التعليق من بدرى بس نفسياً مش قادر


نصحتى ليها لو هى حاسه ان الأنسان صالح حقيقى و بيحبها تحارب لأن تكون بجواره
يمكن ربنا بعتهولها
يمكن يكون اول الغيث
و يكون هو النقطة فى بداية النجاة

عاوز اكتب كتيييييييييييير

عاوز اتكلم كتيييييييييييير

حاسس بيها لأبعد ما تتخيلى يا دكتورة

مش علشان مريت بكدة

لالالالا خالص
الحمد لله الحمد لله
والدى الله يرحمه و والدتى احبهم جداً
برغم كل شيىء

بس انا حاسس بيها

مش عارف اتكلم الصراحة

عارفة يا دكتورة المدونة هتكون زى بريد الجمعة

بتاع الأستاذ عبد الوهاب مطاوع مش عارف الأسم صح و لا لأ

اسف لو كان التعليق مُهلهل و غير متماسك

اسف

ربنا معاها و ينور طريقها

ربنا يوفقك يا دكتورة

شكراً يا دكتورة لحاجات كتير

شكراً

سندباد يقول...

لا حول ولاقوة الا بالله
بدون تعليق
اسف معنديش كلام اقوله غير ربنا يعفو عنا ويرحمنا

Tarkieb يقول...

إيه السلبية اللي انت فيها دي؟ زمان وقلنا صغيرة ودلوقتي ولسة ساكته؟ واحد زي ابوكي لازم يتعاقب ويتبلغ عنه ...ومكانه هو السجن...اذا كان المجتمع بتاعنا زبالة وييعاقب المجني عليه ويضيع سمعته فما تكونيش انت كمان زي الناس التعبانة ...٨٠ في المية من الناس اللي انت خايفة منهم جهلة حتي لو قدمتي على خطوة وقدمتي ابوكي للعدالة حتكوني مرتاحة للضمير وطز في الناس ...ربنا بيساعد اللي بيتحرك مش اللي نايم وسايب ذئب يتحرش به

Haytham Alsayes يقول...

حاربي
ايوة حاربي
بقول لصاحبة الرسالة دى حاربي عشان تتجوزى من اللي بتحبيه عشان تبعدى عن ابوكي دة
لازم هو دة طوق النجاة بالنسبة ليكي
لما تلاقي طوق نجاة وكمان انسان صالح وتقي ويعرف ربنا يبقي لازم تحاربي عشان تتجوزى وحاولي اللي تعدى اي خلافات ومشاكل

اما ابوكي فربنا يجازيه زى جزاء الاعمال اللي عاملها
هو وكل اب مبيقدرش ولاده ولا بيديهم حنية ولا بيبقي قد المسئولية اللي ربنا عطهاله
ربنا يصبرك
وخلي الكلمة دى في دماغك
حاربي عشان بكرة

وبلاش الافكار الخاصة بالقتل والكلام دة اوعي تودى نفسك في داهية عشان واحد زى دة


وبشكر د ستيتة ومدونتها اللي فتحت مشاكل كتير وخلت الناس تتكلم عن مشاكلها بدل ما يموتوا من الغيظ

تحياتي

وجهة نظري يقول...

لأ لأ أوعي تفكري في التبليغ دا يمس مش بس سمعتك، دا في أختك وأخوكي ووالدتك ... يمكن ممكن تبتزيه بأنك حتفضحيه لو وقف في سكة جوازك مثلاً، أو لو حاول يلمس أختك أو يأذي أخوكي، بس ولا حتى تذكري الحكاية دي لخطيبك.

شوفي، إنت في إمتحان كارثة الله يفك عنك الغمة، بس ربنا حيريد لكي الخير... بصي للناحية المشرفة في حياتك، قربتي من ربنا، ورزقك خطيب كويس وزوج إنشاء الله، افرحي به وبولادك منه إنشاء الله وعاهدي ربك انك تكوني مثل في المعاملة الحسنة.

أنا عندي إنزعاج شديد على اخواتك ووضعهم كمان ... لازم يكون في إتفاق تنظيمي بينك وبين أخوكي ووالدتك، شبه ثورة لو تقدروا. انشالله تمشوا من البيت ورزقكم على الله.

و يا جماعة، فين اهلكم للمرة العاشرة في تعليقاتي، لازم اهلكم يساعدوكم، الأهل مش بس أفراح ومياتم.

ربنا يهدي والدك أو يرحمه ويرحمكم منه. وربنا يعينك ويرزقك رزق صالح، فإن مع العسر يسرا. آمين.

غير معرف يقول...

صاحبة المشكلة: ياستى لما يكون فى حاجة زى كده بنحاول نبعد يعنى كان ممكن قوى تروحى لجدتك أو لخالتكتباتى عندها على الأقل جوز خالتك ممكن يحترمك أكتر من الحيوان ده(اللى مش بيفكر غير فى الغرائر ومش بيتعامل غير معاملة حيوانات) ... أختك تحاولى بقدر الامكان تبعديها عنه وأنا زمان أخويان كان بيعمل كده مع أختى بدأنا نحط عنينا عليه ونزعق له لغاية ما طفش من البيت.. مش مهم انه طفش وبقى يبات فى بيتنا التانى لوحده المهم أختى وحافظنا عليها
خطيبك ربنا عوضك بيه أنا شايفة كده بس فى حالتك دى ياريت تسرعوا الموضوع لو تقدرى تشوفى خالك أو أى ولى أمر وتكتبى كتابك عليه وتدخلوا حتى من غير استكمال كل اللوازم مش مهم أى شاب نفسه فى كده وابقوا كملوا بعدين ياستى الحاجة فى السوق المهم تبعدى عن الحيوان ده... أخوكى لو جدع بقى بدل ما يديله فلوسه يروح يحطها فى البنك ويكمل قسط شقة فى الخباثة تهربوا فيها بعيد عن الراجل ده وميعرفش لكم عنوان أفضل ... شوفى لو عاوزين تنفذوا الكلام ده هتقدروا... وشوفى هييجى زاحف زى الكلب ازاى يترجاكم تعيشوا معاه لأنه حاسس بالوحدة .... كل الأبهات اللى بتعذب ولادها كده بتستغرب من العقوق لما تكبر متعرفش ان كما تدين تدان
ربنايعينك ويوفقك ويصلح حالك يارب

غير معرف يقول...

نسيت موضوع خطيبك معلش سورى
خطيبك دا بقى ميعرفش عن أى حاجة فى حياتك السابقة غير كل خير... كلمة نصيحة يابنتى وحطيها حلقة فى ونك علشان متندميش بعد كده
متقوليش دا محترم وسره هادى.. ياما فى كتير كانوا أكتر احتراما منه بس لما بيعرف حاجات بياخدها نقطة ضعف على مراته وقت الحاجة طبعا.. علشان يضغط عليها أو اى حاجة حصلت بينهم يضايقها بالكلام اللى حكتهوله
لذلك بالله عليه أقسمت عليكى ما تحكى أى حاجة لأن الزوج بالخصوص المفروض ميعرفش أى حاجة عن حياتك الخاصة لأنها اما هتضايقه أو هيستخدمها ضدك

غير معرف يقول...

صاحبة القصة

مكنتش متخيلة انك هتنشري بسرعة كدا
شكرا اوي ليكي بجد
من اول ما قريت الكلام لحد اخر رد وانا ببكي بحرقة اوي
لما قلتيلي نفسي احضنك فعلا مش قولا حسيت بنار في قلبي
حسيت انك حاسة بيا .. بس صعب عليا نفسي
واتمنيت اني مكنتش بعتلك اي حاجة
موجوعة اوي يادكتورة

انا وماما واخويا فعلا بنتكلم مع بعض وبنفوق بعض ونستغفر ربنا وقت ما بنتمني نعمل اي حاجة وحشة معاه
ماما يا دكتورة طيبة اوي وبتتقي الله أوي أوي أوي
و24 ساعة يا بتصلي يا بتقول اذكار
ولولا تعبها " جالها السكر والضغط من عمايل بابا معاها " .. كانت تصوم دايما كمان
عارفة يادكتورة
ماما كانت بتقيم الليل .. طول الليل كانت تقعد تصلي
لما بابا كان بيلاقيها بتعمل كدا كان بيبهدلها
يقولها حاسس اني متجوز راجل
ناقصلك شنب ودقن
واقولك يا شيخ !
لحد ما بقت تصلي وهو مش موجود ولو موجود مبتصليش !

لما بيكون متنرفز وحد يقوله صلي ع النبي او اعوذ بالله من الشيطان او لا اله الا الله
بيتعفرت !
ويتنطط ويقول هو انا كافر
مانا مصلي ع النبي
وانتو اللي شياطين
وكذا وكذا وكذا !
بيتعفرت بذكر الله يا دكتورة تخيلي !

يتبع

غير معرف يقول...

يادكتورة معظم الردود بتقول اني اواجهه بكلامه
انا نسيت احكي ف كلامي الاول سبب اخر خناقة معاه ايه !
كنت بكلمه عشان اعرف ليه عاوزني اسيب خطيبي وانه انسان كويس
وثار عليا وضربني وضرب ماما واسوء شتايم
لدرجة اني انهرت
وفكرت في اني اواجهه فعلا
بس هيهــــات !
منتهي البجاحة " اسفة اني بقول كدا علي ابويا بس دي الحقيقة "
وقال عليا انا بجحة
قالي انتي فاكرة نفسك مسكالي ذلة !
انتي ولا تسوي
انا ممكن اعجزك واموتك دلوقتي حالا
قال لامي اسوء كلام
وصلت بيه الدرجة ان لما ماما دافعت عني من كتر ضربه فيا
وقالتله حرام عليك اتقي الله
راعي ربنا فينا
قالها بكل بجاحة برده
انا هادخل الجنة عشان آويكم !
هادخل الجنة عشان بربي كلاب زيكو
هادخل الجنة عشان ساتركو
انا ربنا هيكرمني عشان سترتك وستتك!
لما قالتله حرام عليك ليه انت واخدني ايه؟ واخدني بنت ودخلت من الباب ومدخلتش بيتك الا لما اتجوزتني علي سنة الله
قالها مانا لو مكنتش خدتك مكنش كلب بصلك
مع العلم .. ان امي اصلا في شبابها كانت آية من الجمال
جسم تبارك الخلاق وشعر اسود تقيل ناعم اوي وعيون وكل حاجة
بشوف صورها اقول ماشاء الله ليه انا مش في نص جمالها ؟
انا واخويا شكينا لدرجة اننا سألنا ماما هو حصل حاجة بينك وبين بابا قبل الجواز ؟
امي انهارت وبقت تدعي عليه
حرام عليك انك تخلي عيالي تفكر في امهم غلط !
وهو عادي جداً يادكتورة

غير معرف يقول...

دكتورة انا اكتشفت .. لاء اتأكدت ان ابويا ســــادي !
بيتمتع بتعذيب الآخرين
بيتمتع انه يشوف الناس مذلولة ليه
اتأكدت من كدا
يادكتورة البني آدم القوي والمفتري بيجي عليه لحظة تهده
لما يشوف حد قريب منه بيقع بيموت بيبكي
بيهدي شوية
انا ابويا بيزيد لما بيشوف دموع ادامه
امي لما تعبت وجالها جلطة في عز ماهي مشلولة كان بيضربها !
ولما بنهااااار وبزعقله وبقوله حرام عليك بيزيييييد
والغريبة انه اول ما بيخلص تعذيب فينا
بيحط دماغه ع المخدة يناااااااااام ولا كأن حصل حاجة
ويصحي يكمل تعذيب واهانة عادي !

جربنا التفاهم
جربنا كل حاجة
مينفعش زي ما شوية ردود بتقول اني ابلغ عنه
لاني كدا بدمر الدنيا اكتر ماهي متدمرة
دلوقتي ربنا ساترنا
لما ابلغ عنه ايه اللي هيحصل
ذنبها ايه اختي الصغيرة
ذنبه ايه اخويا وقت ما يحب يتجوز ويتسأل عليه يعرفو ان عيلته كدا
صعب في كل الاحوال اننا نئذيه
مش عشانه .. عشاننا احنا!

اخويا بيهاوده لاكبر درجة
بيقول انا بإمكاني لما يمد ايده عليا اني ازقه ولا اضربه
بس بقول حرام جايز ربنا يهديه
المشكلة ان ربنا مش بيهديه !
احنا لما بندعي ربنا يهديه بيزيييييييييد اكتر
في رمضان اللي فات بصلي انا واختي الفجر
وبقولها ادعي بحاجة واستمري عليها طول رمضان ربنا هيحققها زي ماقال عمرو خالد في البرنامج
واتفقنا انها هتتدعي ربنا يهدي بابا
والله كل يوم ننام ونصحي علي اهانته لأمي !!!!!!
بيزييييييييد بطريقة تجنن

فاتيما بتقول :
النوعية دى من الناس جبروتها بيت مش قش وبس تيجى ريح ف معاد معلوم
تلاقيهم كوم تراب .. يصعب عليكى

عاوزة اقولك ان من فترة نام مكنش هيقوم
جاله شبه غيبوبة
قبلها كان تعبان وقلبه وصدره واجعه
وقال هنام ساعتين
جينا نصحيه مصحيش الا لما دكتور جه وكانت شغلانة

اول ما فاق وادام الناس اللي كانت قاعدة
هزق ماما !
عشان حاجات هايفة
في عز تعبه وامي قلقانة عليه بس اكرمت الناس اللي كانت موجودة " جيراننا وقرايبنا القريبين مننا "
وهو فاق لقي كوبايات الشاي ادامهم فاضية
هزقها
اعمليلهم حاجة ياكلوها ولا يشربوها
انتي حمارة غيبة مبتفهميش
انتي كذا وكذا وكذا
لدرجة ان اخته قالتله انت بني ادم مقرف

بابا مالوش كبير
مالوش حد يسمع كلامه
واحد مبيتقيش الله ومبيخافش منه ومبيسمعش كلامه
هيسمع كلام بشر؟

اخويا اشتكي من يومين لأحد اصدقاء بابا
قاله كلنا عارفين ان اسلوب ابوك غلط
بس محدش ينفع يقوله حاجة
ابوك بيقنع اللي ادامه انه صح من كتر ماهو مقتنع انه صح !
وكل واحد عنده هموم مش ناقصة يشيل هموم غيره !!!!!!

آخر حاجة ...
انا مش عارفة اقف ادام بابا عشان خطيبي
لاني عارفة اني لو عاندت مع بابا هو هيعاند معايا اكتر
وهو حاليا في اقصي درجات اهانة خطيبي واهله وهما مستحملين عشاني
بس اهل خطيبي أعلنوا ان مفيش استحمال تاني
مش هيتحملوا اهانة ابويا تاني
ودلوقتي انا وخطيبي في النار !
مش عارفين نعمل اي حاجة
حتي الفترة اللي خطيبي قال ادامه ونتجوز " اللي كانت سنة " .. ابويا خلاها 3 سنين !
قاله دي مقدرتي اني اجهزها في 3 سنين
وانا اللي احدد بنتي هتتجوز امتي مش انت واهلك !
وشقة خطيبي كبيرة جداً ومع ذلك هو قرب من الانتهاء من اللي عليه
" في خلال شهرين خطوبة بس ماشاء الله بس قرب يخلص فعلا "
وابويا مش عاوز يجيبلي قشة الا قبل الجواز ب 3 او 4 شهور علي الاقل
ومن غير ما اختار لا انا ولا هو حاجة !
بابا اللي يجيب واحنا نقول امين !

كل حاجة بتضيع مني
وانا اقسم بالله راضية ورامي حمولي علي الله
بس فعلا ابويا مالوش حل
مالوش حل غير اني ادعي يموت ويريحنا
لينا رب اسمه الكريم
هيتولانا في معيشتنا
بالرغم من انه لو مات احنا منحتكمش الا عي مرتب اخويا اللي ممكن ميعيشناش طول الشهر
بس قلة الفلوس ارحم من قلة الكرامة

طالبة دعواتكم علي الأقل

قال رسول الله صلي الله عليه وسلم :

دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌعِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ
قَال المَلَكُ المُوكَّلُ بِهِ :...آمِينَ ، ولَكَ بمِثْلٍ

شكرا ليكي بجد
جزاكي الله كل خير

Ramy يقول...

لالالالا دة زيادة زيادة قوى

هى مش المفروض كدة بلغت سن ممكن تجوز فيه بدون ما ابوها يكون وصى عليها و لا ايه

اصل دة مينفعش يتعامل ان ليه حقوق

لازم يبعدوا عنه لأن نهاية القصة دى هتبقى مأسوية

أكتر من مأسوية الأحدااااث


يبعدوا عنه
و تجوز ابن الحلال اللى ربنا بعته

معرفش دة صح و لا غلط

بس الأحداث تجبر على كدة

سواح في ملك اللــــــــــــــــــه- يقول...

اختنا الطيبة
انا اول واحد من الناس
هدعيلك وادعي ربنا
ليه بالهداية
وليكم بالرحمة
ثانيا
النوعية دي من الناس تيجي بالتهديد
زي ماقلت في تعليقي الاول
والنوعية دي ممكن تصعقة صدمة التهديد
ويتراجع ويتغير 180 درجة
صدقيني
ابوكي دة من النوع اللي بيحب يبقي
قدام الناس واجهه
منظر يعني
ويخاف اوي لو صورتة اتهزت
اللهم بلغت
اللهم فاشهد

ستيتة حسب الله الحمش يقول...

انتي بنت قوية جدا
عاوزاك تعرفي الحقيقة دي عن نفسك
افهميها من حد غريب عنك مش مضطر يجاملك
لولا قوتك مكنتيش عرفتي غلطاتك
لولا قوتك مكنتيش صارحتي نفسك
لولا قوتك مكنتيش نجحتي وسط هذا الكم من التوحش والمرض النفسي

انتي اقوى من عقدتك
وبكتير كمان
وانتي طبيب نفسك علشان عارفة مكمن العلة

بالنسبة للأب لازم ضغط
لازم
1- ابلاغ عنه؟
ولا يفيد حد فيكم ده مجتمع ابن كلب
2- تفكير في نهايته؟
يضيع اللي بيفكر واللي بينفذ والإتنين اللي باقيين وسمعتكم وسط مجتمع لا يرحم برضه إلى ابد الدهر
3- لو كان فيه أهل ينفعوا كنتوا دخلتوهم من الأول
الناس كلها بتدور على ظهر وقشاية
وعليه فأنا متوقعة إن مفيش حد عاوز يجي ناحيته ويحشر نفسه لسوء خلق جوز امك

ستيتة حسب الله الحمش يقول...

أسلوب الضغط على هذا المخلوق السادي المريض
a. هذا الأب دارسك بس
مش مبيتهددش
لأ ده ذئب وبيتهدد
مهما بلغ جبروت الإنسان برضه بيخاف
بيبان عليه انه مش بيخاف علشان دارسكم
وهو اللي مخلف ومربي واللي مربي خير من اللي اشترى
علشان كده هو عارف إنكم لسه تستحملوا ضغط لكن لو ايقن إنكم جبتم جاز هنا فقط ها يفكر
ده جبان ولا ها يصعب عليكي زي كلام فاتيما ولا حاجة
ده ها تردموا عليه حفرة في يوم ما وتقولوا في سركم خد الشر وراح
وتقعدوا ال 3 ايام عزا عاصرين على نفسكم ليمونة وعسى ان يكون قريب ان شاء الله
b. خطيبك كلميه كتير وعرفيه انك مقدرة قيمته وقيمة اهله
وعرفيه ان فيه يوم ها تردي له كل صبره على والدك حب وتقدير لوالده
بس وانتي بتعملي كده اياك ثم اياك تذكري ابوكي بسوء
وطبعا زي كل اللي قالوا لا تذكري شيء منه ولا حتى ساعة الصفا
يابنتي الحياة علمتك ان القريب كتير غريب فما بالك بالغريب
كمان لو اتكلمتي حتى بشكل عام عن والدك بانتقاد
ها يكون ده اول كلام يذكره لك زوجك في اول خلاف
نادرين قوي الرجالة اللي عقليتهم من خارج كوكبنا الشرقي
وبيفهموا قصة ان المعايرة مش أدب ولا تربية وانها كلها عقد ومحاولة تعالي
بمعنى أدق شيلي ده من ده وحاولي تسايسي الموقف
وها أقول لك كلمة حطيها حلقة في ودنك
خطيبك باين عليه راجل طيب
لو طيب فعلا وحقا وكان جايزة من ربنا ربنا ها يخليه يصبر لحد الآخر
ولو انصرف عنك فلازم تعرفي انه مكنش خير
لأن من عدل ربنا ان اللي شاف هم زيك ربنا يجبر بخاطره والحياة في تقلب مستمر
فمتقوليش لو مشي ها ازعل او انهار
إن شاء الله لن تجدي الا كل خير
واوعي اوعي تكوني بالعافية بتجدي للخطيب ده حسنات
اديكي شايفة سوء الإختيار بيندفع ثمنه كام سنة

ستيتة حسب الله الحمش يقول...

أخوكي في ايده كتير ومش مفروض يسلم رقبته للراجل ده
هو بيقصقص ريشه وبيمنعه يحوش علشان لا يستقل احدكم ابدا وتفضلوا في ايده
واخوكي مفروض يستقل ويمنع عنه كل مليم وده يكون اول قلم ان شاء الله ثم تتابع الأقلام

انتي مردتيش علي
هل والدتك تعرف بقصص الإنحراف الجنسي؟
لو والدتك عارفة ساعتها تبقى مصيبة
ومفيش لا صلاة ولا صوم والصلى ع النبي اكرم
ولو مش عارفة امتى ها تعرف
اسراركم اساسا مش مفروض تطلع بره بيتكم لأنها ها تؤذيكم
لكن جوا مفروض يكون فيه اكشن وفعل يحصل
ولو اخوكي ميعرفش ياريت متقوليش ابدا دلوقتي
اخوكي خطر كبير لأنه اساسا قرب ينفجر
ولو عارف وكلكم عارفين كل حاجة
الله
انتم مستنين جوا البيت ده ليه؟
دراسة ايه واكل وشرب ايه
دول اهون شيء والجوع ولا المذلة والقرف ده كله

انا كمان فيه حاجة حسيتها
هو مش بيجي ناحيتك بالقوة ولا بالإغتصاب
ده بالمحايلة وحاجات من هذا القبيل
وعليه انتي مش مضطرة تعملي فضيحة لو دخل عليكي او شفتيه ناحية اختك
انا متأكدة ان نظرة عين مختلفة منك ها تعرفه انك اتغيرتي وهو ها يغور لوحده

أسأل الله العظيم رب العرش العظيم أن يرحمكم ويعجل بالفرج ويرزقكم سعة من العيش وثبات على الحق
عاجلا غير آجل يا ارحم الراحمين
آمين

ستيتة حسب الله الحمش يقول...

حبيبتي صاحبة القصة
ارجو ان لا تجدي في ردي نوع من القسوة
انا بس عاوزاكي تشوفي الحقائق امامك

لا خطيبك اخر أمل

ولا الدنيا بتقف

ولا رزقكم في يد ابوكم

الحل منكم بس هو منه لله ربى فيكم الجبن واستسلام والدتك له مخلينكم فاكرين خارج باب بيته مفيش امل ولا رزق
خارج باب بيته ها تبدأ الحياة
بيكم مش بيد حد تاني

ولو لسه عاوزة تقولي لي حاجة قولي
ولو عاوزة اي شيء قولي وبراحتك
متتكسفيش ولا تعتبري نفسك تقيلة
انتي على قلوبنا زي العسل
وانا متأكدة انك اخدتي دعوات بظهر الغيب كتير وعسى ان يكون بيننا صالحا فيستجيب الله لنا ببركته

بحبك :) حتى من غير ما اعرفك

мαησηα يقول...

السلام عليكم

ازيك يا دكتورة ستيتة

يارب تكونى بالف خير

اولا بشكرك بجد ع اهتمامك

وانك فتحتلنا قلب الخساية الاخضر

الصافى وخصوصا انك بجد انسانة الكل

يشهد بامنتها و الواحد بيرتاحلك

وكتير بحسك امنا

والله مش بقول كده مجاملة

بمناسبة الحضن اللى كنتى هتديه لصاحبة القصة اعتقد وده هتحسه صاحبة القصة انه اهتمامك ومناقشتها و انك فتحتلها قلبك ده زيه زى الحضن بالظبط

مش عارفة اقولك شكرا ع فكرة لانها فعلا مش هتوفيكى حقك

جزاكى الله كل خير


===========

كلامى لصاحبة القصة

هاقولك دعاء بس قوليه من قلبك بجد

قوليه وانتى فعلا مؤمنة انه الدعاء ده هيحميكى

قولى اللهم اكفينهم بما شئت

طول الوقت قوليه وخلى مامتك واخوكى يقولوا

ان شاءالله ربنا هيكفيكى شره

اكدب لو قلت كملت حكايتك للاخر بجد
ماقدرتش تعبت اوى ودموعى مش مخليانى شايفة قدامى

وماتخافيش زى مافاتيما قالتلك فاقد الشئ بيعطيه اوى

بس اديه للى يستاهله يا حبيبتى

وفكرى كويس قبل اى راتباط علشان انتى مش ناقصة هم ولا ناقصة تعب نفسى ولا ناقصة احساس بانك فاشلة

وخليكى قوية اووووووووووى خلى اللى انتى فيه يقويكى مش يكسرك

بس مش عارفة اقولك ايه تانى بصراحة

ربنا معاكى وهادعيلك بظهر الغيب

:) يقول...

ساعات بتخيل ازاى هاستحمل مسئولية بيت وانا نفسيا مش متظبطة !


ايوة انا كتير بقول ازاى هتحمل مسؤليه شغل وانا نفسيا مليانة مشاكل

ازاى هتحمل مسؤليه واحد بيحبنى ومنتظر منى ابادله مشاعرة وانا نفسيا مش متظبطة

ازاى هتجوز
ازاى هخلف

ازاى هربى اولاد

اجيب اولاد للدنيا ذنبهم ايه ان امهم_انا_ معقده نفسيا

ياااااااااه انا بسبب الجمله اللى كتبتها صاحبة الرسالة دى بفكر ان ربنا لما بيمنع عنى حاجة انا شايفة انها خير ليا وانى استحقها بقول ربنا بيمنعها لانى نفسيا مش متظبطة



ملحوظة لد. ستيتة: انا نفس الغير معرف اللى عنده 21 سنة وبعت الكومنت 3 مرات مرة منهم بابتسامة

ستيتة حسب الله الحمش يقول...

صاحبة القصة

انا اسفة اني فعلا نسيت اجاوب علي السؤال بتاعك يادكتورة

محدش يعرف اي حاجة لا ماما ولا اخويا
يوم ما امي تعبت حاولت اقول لاخويا .. لكني مقدرتش للاسف
حسيت اني هاهد الدنيا مش هابني ومش هاصلح

محدش قادر يتخيل اد ايه ابي عنيه قوية
محدش قادر يعرف انه ممكن يقتل القتيل ويمشي في جنازته
ابسط حاجة هايديني العلقة اللي هي ويقول البت من كتر مابتتفرج ع التليفزيون والافلام خيالها بقي واسع وبتتبلي علي ابوها !
بالذات انه فعلا بقاله اكتر من 8 شهور مجاش جنب أوضنا لا من قريب ولا من بعيد
قعدته كلها من اوضة النوم للحمام لباب الشقة .
لو اشتكيت ولا صوت وقولتله انت بتعمل ولا بتسوي بمنتهي البجاحة هيقولي كدابة وتستاهلي الموت
ولما يموتني هيقول للناس قليلة الادب وكنت بربيها
وزي ما بيقولنا دايما .. حتي لو اتسجنت في شوية كلاب زيكو هكون مرتاح

يادكتورة دا بيعمل اكتر من كدا مع الغرب
اللي زي مانتو بتقولو هو يهمه منظره وانه يكون واجهه وبس
انا مشكلتي معاه بجاحته
دا بمنتهي البجاحة في الشقة القديمة بتاعتنا كان بيعزم علي جيراننا الشباب اللي من سن اخويا علي حشيش وبرشام !
كان بيسميه وااااااجب
انا بوجب مع فلان وفلان
مش همه منظره !
دا كان يشتم في جارنا اللي حيطة لازقة في الحيطة ويعيب فيه ويطفش زباينه وكان راجل صنايعي ارزقي
ولما كان حد بيوصله الكلام ويقوله فلان بيغلط فيك وبيطفش زباينك ويجي يواجه بابا كان بيسبله ميت ملة وميت دين ويقوله اذا كان عاجب اللي خلفوك !!!!
كان بيشتم اخته اللي ساكنة معانا في نفس الشارع هي وجوزها وعيالها ويبهدلهم حتي لو هو اللي غلطان معاهم .

طيب عارفة ..
امي اشتركت في جمعية رساله وكل شهر بتدي اللي فيه النصيب
حتي لو 10 جنيه بس كفالة يتيم واي هدوم او جزم قديمة
عارفة لو مندوب رساله جه وهو بابا قاعد
الشارع كله بيسمع صوت بابا وهو بيشتم امي انها بترمي فلوسها في الشارع
وبمنتهي البجاحة بيعلي صوته ويقول مفيش حاجة اسمها ايتام
الايتام دول يروحو يشتغلو ويسرحو ف الشوارع بدال ما يستنو حسنة
واللي يستني حسنة يبقي ولا يسوي !

يعني حتي مش بيعمل لنفسه منظر التقي المحترم ادام الناس !

بتقولو نسيب البيت وهو هايحس بالوحدة
لما بيكون مضايق .. او حتي فرحان
كل يومين تلاتة يلم نفسه هو واصدقاء السوء اللي زيه ويسهروا في اسوء الاماكن
اللي يخليه يدخل البيت وهو ريحته هباب من السجاير والخمره والستات
هايعيش نفسه احسن عيشه
دا بالعكس
دا علي كلامه لما بيدخل البيت ويشوفنا بيتغم بيكون عاوز يولع فينا بجاز
للاسف ملناش مكان
بالرغم من ان عقد الشقة دي باسم اخويا
الحاجة الوحيدة الكويسة اللي عملها اخويا انه اتخانق معاه لحد ماخلاه يكتب الشقة باسمه
بس برده ميقدرش يطرده ولا يقدر يخلينا نسيب البيت
عشان المجتمع " ابن الكلب " اللي حضرتك قولتي عليه

الناس بتهرب من ابويا .. من لسانه ومن طبعه ومن دماغه ومن سوء اخلاقه !

بالنسبة لخطيبي
انا بجد علي اد ما انا حاسة اني هنهار لو سبته
الا اني مبحاربش عشانه زي ما الاخ اللي قالي حاربي دا
لاني خايفة احارب عشانه وفي الاخر انا اللي اتعذب
سيباها ع ربنا
حتي لو قدرلي اني اسيبه
هتعب يومين " كعادة حياتي " وهرجع تاني

ستيتة ..
منكرش فرحتي لما قولتيلي اني قوية
يمكن دي الحاجة الوحيدة اللي واثقة فيها من نفسي
بس زي ماقولتلك
ببان ادام الناس كلها قوووية وصلبة
بس من جوايا هشة زيادة عن اللزوم
لو حد قالي مالك بس وعينه في عينيا ؟ ممكن انفجر من البكي

دكتورة ..
انا عارفة ان مشكلتي ملهاش حل
اسفة بجد اني تعبتكو ووجعت دماغكو برغيي
جايز مكسبتش حلول من كلامكو
بس اكيد كسبت دعاء
واكيد اكيد كسبت راحة من ان اللي شيلاه جوايا من 15 سنة ولحد دلوقتي طلع واتكلمت لاول مرة في كل حاجة
من غير ما احكي حاجة واداري مليون حاجة

احنا مش مستسلمين بقدر ما احنا فاهمين ان مفيش حل لاننا فاهمين طبيعة الراجل دا ايه
وان مفيش حاجة بتهده غير ربنا ان شاء الله عن قريب !
ملناش مكان نعيش فيه برة
ولو حد المفروض يسيبنا يبقي هو
بس هو حتي لو قولناله سيبنا هايعمل زي اليهود اللي بيدمروا اي مكان قبل ما يسيبوه !

وللعلم اخويا لما بيقوله مش هاديلك فلوس
بمنتهي البجاحة بيقوله انا بقالي يومين مخدتش
انا مصاريفي كتير واخواتك
انت مجبر تعمل
ولو اخويا صمم ميديلوش
بيكسر الشقة لحد ما بياخد محظته وان شالله يحرق الفلوس بعدها
بس المهم يخرص لسان اخويا اللي وقف ادامه !

انا متأكدة اننا هنرتاح بس لما يموت
وربنا يعجل بده بإرادة الله وحده ان شاء الله

لاني ان شاء الله مش هاخسر اخرتي زي ما انا بخسر دنيتي دلوقتي

كفاية لحد كدا يادكتورة
ياريت البوست يتحذف او تحطي مشكلة حد تانى ليها حلول
لان زي ماقولتلك في الاول وكل شوية
مشكلتي " من غير " حلول .

ستيتة حسب الله الحمش يقول...

يا جماعة
المدونة ناجحة لسببين لا ثالث لهما

اولا ان ربنا حباني بأصدقاء ذوي عقول راجحة ونفوس طيبة ومحبين سواء مرتاحين او تعبانين

ثانيا اننا فعلا كبشر النهاردة محتاجين بعض
ورغم اننا محتاجين بعض مضطرين نعيش في كواكب منفصلة
اما لشدة انشاغلنا
او لحبنا للستر وخوفنا على اسرارنا

ولو نجح المكان ده ها ينجح بعون الله ثم بيكم

شكرا لثنائكم وربنا يبارك فيكم

ستيتة حسب الله الحمش يقول...

صاحبة القصة

خلاص كفاية ضغط على اعصابك
طالما انتي شايفة استحالة الحل يبقى انتي ادرى

بس انتي غلطانة كتير

اللي محافظ عليكي وعارف حدود جريمته على قولته
ممكن وهو سكران او مسطول ميعرفش حدود وخاصة مع الصغيرة الضعيفة
وبدل ما تتعقد بس وتعيش تكرار لمأساتك الله اعلم تاخد عليهم ايه بلس

والشقة اللي باسم اخوكي دي كافية جدا لحل كل شيء

وسمعته مع الأقارب والجيران كافية جدا ان محدش يلومكم ولا يعتب عليكم

ولكن انتوا فعلا ادرى بظروفكم

انا كمان كفاية عليا انك فضفضتي
ويارب تكوني ارتحتي ولو شوية صغيرين

ولعلمك يا حبيبتي
رغم انك فاكرة ان محدش قال لك حل ينفع
في يوم ربما كان قريب ها تستدعي الموضوع كله وها تحتاجي حاجة من اللي اتقالت

ربنا خلاكي اتكلمتي لهدف وخلانا تفاعلنا لهدف وقريب ها يبان

ربنا معاكم يرعاكم ويحفظكم ويبارك لكم في امكم ويفرج كربكم

تحياتي

غير معرف يقول...

اولا انا صاحب القصة اللي فاتت
بقولك ربنا يبارك فيكي ويعزك
علي كلامك اللي ريحني علي الاقل
واعطاني امل في بكرة

ثانيا بقول لصاحبة القصة من ساعة ماقريت ولقيتك بتقولي ادعولي وانا بدعيلك وان شاء الله هادعيلك كمان
وربنا يجعل المستقبل احسن ليكي

shimaa elkholy يقول...

بجد الدنيا فيها كتير اوي

سؤاااال بس امك بتحب فيه ايه

اولا يا بنتى لازم امك تعرف

ثاينا : اختك الصغيره ما تخليش يحصلها زيك ارجوكي
ممكن جدا بما انه بطل معاكي

يبدأ معاها خصوصا انها دلوقتي مقبله على نفس السن الى بدأ فيه معاكي


ثالثا : اتمسكى بربنا وبخطيبك طول ماهو على نفس الدرب

رابعا: انصحك تزوري دكتور نفسي يكون ابن حلال وعنده ضمير

خامسا : ماتدعيش على ابوكي ولا تقومي عليه اخواتك يا ولاد قولوا حسبنا الله ونعم الوكيل بس


وانتى مسئوله عن الى عملتي وانتى بالغه وواعيه وفاهمه بس

ومافيش حاجه اسمها مش بالحق وبتضعفي قاومي نفسك لو حصلت تاني

وقربي من ربنا اكتر وعجلي من جوازك لو تقدري

وخدي بالك على اخواتك

وباكرر امممممك لازم تعرف

بس طبعا بلاش الدنيا كلها تعرف عشان احنا فى مجتمع متخلف انتى واختك هايبقى موقفكم مش حلو

وربنا معاكم يا بنتى يصبركم على بلواكم

اه وقولي لاخوكي ما يسألش عنه فى موضوع الفلوس اطلاقا ولو وصلت انه يشتري شقه هو لنفسه ويخلع فيها يبقى تمام اوي وياريت ياخدكم معاه
وسيبى امك بقى تحبه على كيفها

عذرا لانى محتده على امك لانى شايفاها غلطانه اصلا

سواح في ملك اللــــــــــــــــــه- يقول...

اختنا الفاضلة
صاحبه القصة
طبعا انا زعلان من ياسك
وحاسس انك مستعذبة اللي انتي فيه ده
معرفش ليه
ولما هو بقاله 8 شهور مابيقربش من اودتكم
يبقي ليه ركزتي علي النقطة دي بالذات
اذا هو ارتدع بالتهديد
وانتي مشكلتك انه واقف عقبة في طريق جوازك
الراجل اي يصاحب واحد من دور ولاده
ويتبادلو مع بعض البرشام والحشيش
يبقي راجل ميتعمللوش حساب
عموما ربنا يهدي

غير معرف يقول...

حشيش وخمرة ونسوان ومخدرات وبلاوى زرقة

ابعدوة عنة ان شاالله تقعدوة حتى فى اوضة فى مكان ولاتقعدو مع البشاعة دية ابعدوة عنة بأى طريقة بس من غير تفكير فى قتل علشان متخسروش كل حاجة

ربنا يثبتكم امام هذا الشيطاناللى هو من شياطين الانس

3adel Elhilaly يقول...

أولا ارجوكي يادكتور تنشري تعليقي انا يمكن اول مره اشترك هنا بس انا من قرائك المتعصبين وشكرا ليكي على كل حاجه وربنا يديكي على أد نيتك...........دي رسالتك
أما بخصوص صاحبة الرساله :-
أولا: والله انا من ساعة ماقريت رسالتك بقالي يجي 4 ساعات وعندي شغل ونمت وقلت هعلق بكره على ماافوق من الصدمه والعياط بهستيريا يمكن دمعتي قريبه بس مش بالشكل ده والدكتوره قالتهالك في الأول وانا مش هتكسف اني اقولها انا نفسي اخدك في حضني لأنك زي اختي وانا بقراها تخيلت اختي او امي في وضعك وانهرت وعايزه الحلول, استسلامك ده انا مش فاهمه انتي المفروض دلوقتي تبقي قويه بشكل مهول من كل الناس اللي بتحاول تساعدك واظن انا مش هضيف اكتر من اللي اتقال بس كل اللي هقدر اقولهولك انك لو مقاومتيش ودافعت عن نفسك براحتك بس لازم عشان خاطر الملاك اختك اللي ملهاش ذنب تتحط في اللي انتي اتحطيتي فيه وامك المريضه اللي انتي بتقولي ظلمتيها الأول كل دي مش مبررات تخليكي تدافعي تبقى أنانيه منك ومش هتكلم عن اخوكي لأني مش فاهم ازاي ساكت وفي رسالتك قولتي اما ابوكي للأسف بيقول عارف احتياجاتك وإلخ... وسوري اني بعيد واما بتواجهيه بتقولي بيقولك كلام يقنعك عايزه اكتر من كده وقاحه ايه يقنع ايه وكلام فارغ....كفايه عتاب .

3adel Elhilaly يقول...

اهم جزء:-
ارجوكي ياشيخه حاربي عشان خاطر اختك وامك ومش بقولك حاربيه انا كل اللي بطلبه منك انك تسايسي امورك لحد ماتتملكي لو كان خطيبك يستاهل استحملي وسايسي ابوكي ان شالله لو هتسايسي لسنين مش شهور وصدقيني اللي ماشي بطريقة خدوهم بالصوت ده اجبن مما تتصوري بس للأسف احنا اللي خوافين....
كل اللي طالبه منك سايسي لحد ماتتملكي واحده واحده لو عايزه فعلا تنهيها بسلام مش بجريمه والعياذ بالله واستحملي وادعيلنا وانتي في ازمتك وكلنا هنا عشان نقف وندعي لبعض وكل اللي هقدر اقوله حسبي الله ونعم الوكيل فيه وفي كل ظالم واللي خلقنا مش بعيد عنه ولايستعصى عليه أي حاجه وارمي تكالك عليه ومتستسلميش لشيطانك ابدا
ربنــــــا معـــــــــاكي

غير معرف يقول...

يا بنتى اولا وبدون اى مقدمات
لو خايفة تحكى مع حد سواء مكسوفة او مش قادرة تحكى وتوجهى اخوكى مامتك اى حد ولو خايفة تصوتى لما يقرب منك اهربى على حضن مامتك ولا اخواتك اجرى عليهم وقوليلهم كابوس او كان جى يضربنى بس اهربى منه ساعتها وخلاص متستسلميش لية ابدا ومرة وراء مرة ربنا هيهدة لو مزهقش ربنا هيخلص منه ويفضحه اكيد ما هو اخرتة لازم تكون كدا بس المهم انتى خليكى واعية وفاهمة دا اسمة زنا محارم لاقى اى حل مادام انتى ادرى بظروفك بس المهم متتكررش وعلى حسب قولك هو مقربش من اوضكم بقالة 8 شهور ماشى بس برضو على حسب قولك هو بيشرب مخدرات وخمرة يعنى ممكن حدودة وقلة ادبة وبجاحته اللى بيدرا وراها تتكسر وتتكسرى معاها وياعالم يمكن اختك ولا اخوكى ولا مامتك
اهربى منه ليهم لو مش عشانك يبقى عشانهم حتى لو محكتيش
انقذى اللى اتبقالك من نفسك واتمسكى بخطيبك وحاولى تكلمية فى استعجال الجواز عشان تبتدى حياة تانية وتخلصى من الهم دا ربنا يفرج همك ويفك كربك

غير معرف يقول...

علي اختلاف درجات الظلم بيختلف رد الفعل
كتير بيتمنوا موت الظالم او يشوفوا بعنيهم عذابه و يتشفوا فيه وان قهره و ذله يبرد نار مولعة جواهم من زمن

لما ربنا بيعجل بعذاب الظالم او احنا بنفهم ان هو دا جزء من عقابه في الدنيا ساعات بنرجع نقول طب ياربي كنت اهديه بدل ما يستمر في طغيانه وتبقي دي اخرته

عيشت وشفت وعانيت واتعذبت علي اختلاف حكايتي عنك في تفاصيل مؤثرة بس البلاء علي قدر الاستطاعة وربنا اعلم انكم اد البلاء دا وهتقدروا تستحملوا وتتعاملوا وتعيشوا و جواكم بصيص نور ينور سكتكم
انتي ابتلاكي ربنا بأب بيخون ربنا فيكي و ميعرفش عظم ذنبه وان خطيئته دي اسوء والعن من قتل الاخ لأخوه بس انتي ادها واعلم بحالك والله اعلم منك بحالك و هتلاقي سكتك طول ما عايزه ربنا يبقي معاكي
استمسكي بدعاء اللهم اكفينيه بما شئت و كيف شئت انك علي كل شيء قدير
مش لوحدك ياما اتضربتي واتهنتي واتبهدلتي
مش لوحدك ياما اتكسرتي واتظلمتي
مش امك لوحدها اتجرحت قدام عنيكي ومكنتيش قادرة تعمليلها حاجة
يمكن انتي لسه فصول حكايتك مكبرتش لما تشوفي ابوكي سنه بيكبر و طغيانه ملوش حدود بس ربنا غصبن عن ابوكي بيديله بعد قوة ضعف و تشوفيه مهما كان جبار ومفتري وهو ظهره بينحني حبة بحبة وهو بتهاجمه آلام فجاة وهو بيقول كلمة الأه تصحي النايم وتوجع الصاحي
هتشوفيه وهو حقك بيخلص منه او يرحمك ربنا برحمته ويعوضك بحاجة تبقي عندك اغلي من كل النار اللي جواكي منه
اعرف كويس النار اللي جواكي ونفسك تفضحيه قدام الخلق كلهم وتشوفيه مكسور ذليل مهزوم يهرب منه القريب والغريب و يكرهه الطيب والخبيث
اعرف كويس غضبك اد ايه وانتي بتمسكي نفسك علشان نفسك تأذيه وتشوفيه متعذب او تفتحي عنيكي تلاقيه مش في الدنيا دي و ساعتها تحسي انك خرجتي من سجنك و ان سجانك خلاص راح ومش راجع
اعرف كويس مرارة جبرك تعملي حاجة وانتي كارهه
اعرف كويس تبقي مكشوفه علي القريب والغريب ولا تلاقي خشا ولا حيا
اعرف كويس معني بيتعفرت لما يسمع الاذان ولا لما حد يقوله صلي علي النبي ولا لما حد يقوله صلي ولا الرسول قال ولا ربنا بيأمر وبينهي
اعرف احساسك بانك جواكي كفر وايمان ساعات كفرك بالدنيا واللي فيها وعليها بيطغي علي ايمانك بعدل ربنا ورحمته وانه ما ابتلاك الا ليقربك اليه
اعرفك بس من حدوتة تانية بابطال تانيين بس بكل حسرة البطلتين قالوا ربنا ياخده وربنا يهده وينتقم منه في لحظات كفرهم بالدنيا و دعوا الله يهديه يمكن يقبلها منهم و يتغير علي ايديهم بدعوته و يكتبه مع قوم تانيين في الاخرة
مرارتك والمك وعذابك وسخطت وغلطاتك و مصالحتك للدنيا معلومين لناس تانية غيرك واللي يشوف بلاوي الناس تهون عليه بلوته
الحمد لله رب العالمين
امسكي في طريق ربنا والله مهما شفتي مآسي هو بس اللي هيخلصك منها وابعدي اد ما تقدري عن كل حاجة تودي سكة تانيةعشان ربنا بس معاه الامان والسلامة

!.! يقول...

اخاف عليكي من ذئاب يستغلوا حالك ويغرروا بيكي
اخاف عليكي تشوفي الشر انه خير ولا مرسال لخير
اخاف عليكي عينك تشوف كل كلمة معسولة فيها طوق النجاة ترمي نفسك بيها للتهلكة
خدي بالك من نفسك اصل مخدش في الزمن دا بياخد باله من غيره و اعمل حساب ان اقرب القرب ممكن في لحظة يبقي ألد عدو و فكري دايما قبل ما تتكلمي او تتصرفي في بكرة هيبقي حالك ايه بعد ما تعملي كده
العمر اللي بيروح مبيجيش غيره فمتضيعيش العمر في اللي راح
افتكري بس ان ربنا عامل فيكي كده لحكمة هو أعلم بها و علي قدر صبرك هتنولي الثواب
ثبتك الله وإيانا علي الحق

بنجاواتى يقول...

الى صاحبة القصة
أسأل الله أن يفرج كربك
واسالكى أن تتماسكى وأن تطردى هذه الافكار السيئة من داخلك
اما عن الحل فأنا شايف انك لو استنفذتى المحاولات مع والدك فالافضل بعد كده انك تنتقلى انتى ووالدتك واخواتك للعيش فى مكان تانى بعيدا عن الاب وممكن تستعينى فى ذلك باحد أقارب الأم أو اقارب الاب ممن لا يرضون عن افعاله وإن تطلّب الامر انك تشتغلى الى جانب اخيكى او حتى والدتك فهذا افضل من الوضع القائم
وكمان شايف انه لو استمرت الاساءة بعد كده فالافضل ان تطلق والدتك منه
احيانا الاوضاع الشديدة بتحتاج لحلول صعبة

ربنا يشرح يصدرك

غير معرف يقول...

أسماء:
أنا اللى قولت لك سيبوه وابعدوا عنه وهيحس بالوحدة
كلامى حبيبتى مش كلام قعدات دا كلام علمى.. درست علم النفس السنة اللى فاتت وأقدر بالفم المليان أقولك
أى شخص يتعرض للنبذ والاذدراء يشعر بالوحدة وربما تؤدى عنده لإكتئاب مهما قولتى انه بيخرج ويروح أماكن(زبالة) أو خمارات وخلافه - عايش حياته يعنى- لا انتى فاهمة غلط جدا هو بيستمد القوة المعنوية من ضعفكم
لو سبتوه اذن انتوا أقويا .. قولت لك سيبوه وروحوا مكان ولو حتى بالإيجار ميعرفوش هتلاقيه جرى على أخوكى وباس إيده انكوا ترجعوا خلى أخوكى يبعت محضر شرطة بإخلاء الشقة بحكم العقد اللى معاه

انتوا معاكوا كذا سلاح قوة ومع ذلك مستضعفين وخانعين بشكل كبير يجعله يشعر بالقوة والجبروت لأنكم مصدر القوة دى ووقت اختفاء المصدر هيضعف أعتقد سنه دلوقتى 50 أو 60 ودا السن اللى الراجل بيحس فيه لنه لو مزودش الجرعة فى الذل والناس تخاف منه يبقى بدأ يكبر ويشيخ ويضعف قدام الناس

تقدروا عليه دا حاجة سهلة وزى ما قريت هنا بصة عين قوية وتحدى ممكن تحسسه قد إيه هو وضيع مهما عذب ومهما ضرب بعد النظرة دى المهم يشوفها فى عنيكوا
وربنا معاكى ويعينك ان شاء الله عليه

ومرة تانية خطيبك ميعرفش عنك حاجة أكتر من ان أبوكى رافضه علشان متبقاش دى مصدر معايرة منه ليكى فيما بعد
عاوزة أكرر الكلام 10 مرات علشان متقعيش فى غلط يؤدى لذلك تانى

غير معرف يقول...

انا شايفةان انت مش عايزة تحلي
وانك مستكينة بطريقة تموت
موتتني انا شخصيا من العجز
لو اعرف مكانك كنت جيتلك
اكلته بسناني
ومكنتش اسيبك انتي كمان
لان بايدك كاتير تعمليه انتي واخوكي
انتي جواكي وحش مارد نايم وللاسف انتي مش عايزة تصحيه
لو صحيتيه هايعمل كتير
والكائن اللي اسمه ابوكي
اجبن واضعف مما تخيلي


لازم تتكلمي مع اختك
وتعرفي منها هو بدا مشواره معاها في الانحراف النفسي ولا لسة
ولو تدخلي لها من زاوية انك سمعتي ان فيه ابهات منحرفين بيعملو كذا مع بناتهم
وتساليها هوي عمل كده؟ معاكي وتاخديها في حضنك تطمنيها عشان تقدر تتكلم والا مين عارف تفضل ساكتة وكاتمة لامتى ولا حد يعرف عنها


ولو لاقدر الله حصل يبقى مستنية ايه
لما اختك يبقى ليها ابن من ابوكي؟ويقولك ايه اختي وخالتي وعمتي؟؟؟؟؟؟؟؟؟؟؟؟

وايه اداركي انه مش منحرف جنسيا مع اخوكي كمان وان اخوكي بخبي عليكم عشان خايف عليكم او معاعندو جرأة انه يقول زي ما نتي مخبية

معلش انا مش متحاملة عليكي والله ابدا انا متعاطفة معاكي بس الطبطبة مش هاتفيد
وحتى لو محتاجاها اكييد قبلي طبطبو ربنا يجازيهم خير

حتى لو كلامي قاسي

بس انتي اكيد قاسيتي في حياتك اكتر
ولازم تفكري في الاسواء علشان تستعدي له او تمنعي حدوثه


بعد كل اللي اتقال ده
مافيش غير حل واحد انك تتفقي مع مامتك واخواتك انه مع اول صدام ليه معاكم
تتجمعووتكسرو عليه عفش البيت
ايوة تضربوه
ايوه تضرووووووووه ومش بهزر
تمسكي عصاية واختك تمسك جزمة
واخوكي يشيل كرسي
وامك تمسك مكنسة
كلكم مش بس اخوكي ولا انتي واختك

المثل بيقول الكترة تغلب الشجاعة
والسادي لازم يلاقي ماسوشي يتلقى تعذيبة بلذه وللاسف انت عايزين تعيشو الدور ده
وتتلقو التعذيب بالم يعني دايرة بتلف
اوقفو الدايرة وامنعو دورانها

موقف زي ده وعلقة ياخدها منكم هايمثل صدمة ليه ممكن ما يتهزش قدامكم
لكن اكيد هايتأثر
حتى لو بقى ده هو اسلوبكم معاه في التعامل
وانتو باتلموه جسديا بصو في عنيه
اصتنعو نظرة تحدي تخوفه
كسروه
ما تقتلوهوش
حرام حد يضيع مستقبله في كائن زي ده
لكن حسسوه انكم كلكم اتحدتم ومش هاتسكتو له بعد كده ابدا مهما حصل
عشان يفهم انه يعيش بادبه او في الشارع

وطالما الكل عارف انكم بتعاشرو شيطان في البيت يبقى لاغضاضة وخايفة من فضيحة ايه
لو مجتمعنا وحش بس فيه لسة خير اتأكدي من ده
واكيد لو 3 اتكلمو وقالو يااااااااه الولاد بيضربو ابوهم؟؟؟؟؟ هايلاقو في وسطهم واحد يقول لهم اتقو الله وحطو نفسكم مكانهم متقدروش تعاشروه
عايزة اقولك ان الحلول كلها في ايدك ومافيش حاجة اسمها مستحيل
المستحيل الوحيد اللي كان ممكن يقيدكم لو كان سمعته بين الناس كويسة ومحدش يعرف بلاويه
طالما الكل عارف يبقى مافيش مبرر لسكوتكم الا انكم كلكم تكونو محتاجين علاج نفسي من مرض المازوشية وبسرعة
بتمنالك من كل قلبي تخلصي من همك
وياريت تدعيلي ربنا يرضى عني

قارئة......

momken يقول...

سيدتى
انتى لا تحتاجين لا ثقه قويه جداً فى نفسك
لم ارى انك رفضت رجلاً
اى رجل مقبول وتتوسمى فيه الخير

ابن عمك اكتشفتيه بعد ما ارتبط بيكى
لييييه؟؟
ماهو طول عمره قدامك
ماكونتيش تعرفى اخلاقه
قلتى انه عمل كل حاجه مع قريبك ومعاكى انتى
منين جيبتى انه كويس

خبرتك فى الحياه محدوده

ربنا يعينك
ويعوضك
مش عارف انا ليه مش بقابل الرجاله الى زى دول
كل الرجاله الى اعرفهم ليه زى الفل
المصيبه لاكون انا شخصيا مخدوع فيهم
او انها البيئه تفرض انواع من البشر فى مكان واحد وظروف وحده

كتير لماا بسمع عن ذكور بالمواصفات دى بقول دى خيال
لانى عمرى ما قلت ناس شريره بالشكل كده
اهانه..ضرب..زبهدله..واماض نفسيه
وشذوذ..زحجات عجيبه
مع انى ازعم ان خبرتى فى الحياه كبيره

لا املك الا التعاط معك واسال الله يا يعوضك كما يعوض عباده الصابرين
وان لا يترك كل ما ممرت به اى وراسب فى نفسك من اناس اقل ما يقال عنهم انهم اشياء لا ترتقى لجنس البشر


تحياتى

momken يقول...

هو ده حقيقى وموجود فى الدنيا بتعتنا

حاميها حراميها
راجل كلب بيستمتع بشرف بنته بداعى اطاء شهوتها
والله لو خلا وجهى لوجه ما تفرقنا الا واحدنا قتيل الاخر

بئس الذكور هو
مع الاعتذار لصاحبه الرساله
مقصدش اجرحها فى ابوها

تحياتى

تامر علي يقول...

أنا بعت تعليق وصل ولا راح في الوبا ؟؟
ازعل اوي لو راح في الوبا انا فضلت نص ساعه اكتب فيه والله

Unknown يقول...

أنا عارفه ان تعليقي متأخر و يمكن محدش هيقراه بس المشكله دي و اللي قبلها وجعوا قلبي و مكنتش قادره أعلق بس في كلمتين محشورين في زوري
فييييين الأم اييييه دورها في اللي بيحصل ده فين احساسها كلامها مشاركتها مش الأم هي أول واحده بتصحى في البيت و آخر واحده بتنام و لا هي بقت في عالم تاني و مش حاسه بأي حاجه بتحصل في بيتها و جمبها بكام متر!!!!
و بعدين ده مش أب ده مريض و لو مش هيتعالج يبقى على الأقل البعد عنه غنيمه بدل ما نحافظ على المنظر الاجتماعي و من جوانا خراب, الصبر لوحده مش كفايه انتي بقيتي مُشوهه بسبب صمتك و لجوئك لأساليب تافهه للهروب من المشكله
دلوقتي مفيش حل غير انك تتجوزي خطيبك و تتمسكي بيه تحت كل الظروف لأن ده أملك الوحيد للشفاء و الرجوع لحياه طبيعيه
مفيش داعي للفضيحه دلوقتي استري على أسرتك و نفسك و حاولي بكل الطرق تهربي من الجحيم ده و ان شاء الله ربنا هيعوضك خير لأنك طالما استشعرتي الخطأ و أيقنتي اللي انتي فيه و بتحاولي تتغيري يبقى ده بداية الطريق الصح
ربنا يكرمك و يهديلك نفسك و ان شاء الله تتحل عن قريب

غير معرف يقول...

صاحبة القصة

ستيتة
قبل ما احكي اخر التطورات
عاوزة اقول للي قالو انا ليه ركزت ع معاملة ابويا الشاذة جنسيا ؟
عشان ابين اسباب كرهي لابويا
ومخليش الناس تفتكر ان مجرد قسوته مخلياني اكرهه وبتمني موته ؟

ثانيا ياجماعة اليومين اللي فاتو دول تقريبا نفذنا معظم كلامكو ولا حياة لمن تنادي
جمعت اخويا وامي وقولتلهم ايه سبب كرهي الحقيقي لابويا
امي انهارت .. واخويا كان هيموت مني
ف الاول كذبوني
بس لما حلفتلهم وقولتلهم امتي وازاى وكان بيقولي ايه ابتدو يصدقوني
لحد ما كانو هيموتو مني اصلا

للاسف في نفس اليوم اتخانق معايا ومع امي كالعادة
اتفقنا كلنا اننا منسكتلهوش
اخويا كان في شغله
قالي اي حاجة تحصل رنيلي

ملحقتش اصلا اكلمه
دخل شتمني وشتم امي
الجبن خدنا ف الاول فسكتنا
لاقيناه هايضربنا ابتديتنا نزقه
وريناله نظرة التحدي والكره
للاسف زاد علينا بطريقة جنونية
مسكن شعري بايد وشعر ماما بايد ومسح بينا الشقة
بقينا نقرصه ونصوت
مفيش فايدة بيزيد فيها
الجيران اتلمو علينا قالهم بربي اهل بيتي اللي بيعلو صوتهم عليا
ورالهم رجليه من قرصنا
طبعا قالو علينا سفلة وسابونا

حاولت افتح باب الشقة واجري ع اقرب قسم
بهدلني علي السلم وفرج الجيران علينا
قالهم ادي بنتي اللي معرفتش اربيها
عشان لما اموتها محدش يلومني !

اخويا جه كان هيضربه
بس في نفس الوقت اقاربنا كلهم كانو عندنا " لانه اتصل بيهم قالهم تعالو شوفو خيبتي في اهل بيتي اللي عاوزين يمدو ايديهم عليا "
و2 من اصحابه

اقنعهم اننا جاحدين قللات الادب
عاقين للاب

كل واحد كان بيقول اللي عليه وزيادة في الكلام

مش بعد ما رباكم اول ما تستقلو والشقة تبقي باسم الولد تعملو فيه كدا
حرام دا كبر برده

غير معرف يقول...

ماهو اللي علمكو وصرف عيكو دم قلبه عشان يخليكو بمراكز وشهادات عالية تعملو معاه كدا ؟

اتحسبن علينا
واتشتمنا

ماعدا اهل امي اللي حاولو يقفو معانا
وكانو هياخدوني انا واختي وماما معاهم
بس هو قال لو حد من عيالي خرج برة الشقة هاولع في الشقة وفيكو

وقعد يعيط
عيالي الجحدة عاوزين يسيبوني

من الاخر استعطف الكل

قالي انا تحديدا ادام الكل قلبي غضبان عليكي ليوم الدين

اخويا قبلها انهار واغمي عليه
ولما فاق رجع تاني باس ايديه
ارحمنا وخف عننا احنا مش بنعمل حاجة غلط فيك

احد اقاربنا قاله احترم نفسك
ابوك اللي خلاك راجل لو طلب عنيك واخر قرش منك تديهوله مش تعايره بيه
وكلام من هذا القبيل

اليوم انتهي
وكل واحد راح بيته
وفضلنا احنا معاه
وحالف ليوريني ازاى اقف ادامه واقوله مش عاوزة اعيش معاك !
حالف يبهدل امي عشان حاولت تمد ايديها عليه وكانت هتردله الشتيمة !

غير منظرنا ادام كل الناس اننا ( عيال ) زبالة محتاجين اعادة تربية

من امبارح للنهاردة
بدعي ربنا انه يعجل من أجله ..
انا وامي واختي

واخويا عشان حنين .. حن لابوه تاني
وكل اللي عمله معايا
انه عيط وباس ايدي انسي اي حاجة بابا عملها معايا
وهيقف جنبي انا وخطيبي عشان يعجل من زواجي وبعدها اعمل " بلوك " لابويا !

جربت كلامكو عشان متقولوش اني مستسلمة وخلاص
عشان اجرب في حل ولا لاء ؟
واتاكدت ان البني ادم دا من غير حلول

حله في المووووت
مش في المرض
لان دا مبيتعظش من المرض
ولما بيجيله شوية برد بيبهدلنا زيادة عن ماهو بصحته

حسبنا الله ونعم الوكيل
اللهم اكفنيه بما شئت
ويااااارب يموت قريب
وانا قولتها
3 ايام اسود
وبعدها هاعيش حياتي كما لو لم اعيشها من قبل

بس يموووووووووووووووووووووووووووووووت

ستيتة حسب الله الحمش يقول...

دلوقتي هو اتكلم
الجيران اتكلموا
القرايب اتكلموا
إنتوا متكلمتوش ليه
ممكن تقولوا كل شيء مسموح

هم يعني مش بيسمعوا شتيمته لمامتك؟
مش بيسمعوا بهدلتكم؟
ليه هو بس اللي بيتكلم ويوري ويصعب
وانتم؟

الناس قلوبهم مش حجر
الناس مش لاقية حد عارف يشرح وضعه وقضيته صح

انا مش متفائلة بقصة انه حكى للناس وشهدهم عليكم خالص
ده مش لطيف ولا يبشر بخير

على انفراد فهموا كل مجموعة منهم انكم مش طالبين غير معيشة آدمية زي اللي هم كلهم عايشينها
ولو ميقدروش يكلموه يبقوا لا يظلمكوا
علشان كل واحد منهم له انسانة عزيزة ربنا بيخلص

كلام مش ها يودي ولا يجيب من وجهة نظرك
لكن مينفعش يبان بعد كل اللي انتي حكتيه غلبان

انا بسأل بس
لو كل الجيران عارفين جرى لوالدتك ايه على مر الزمان
وكذلك اقاربه واقارب والدتك

ايه مفيهومش بني آدم؟
ده مش بيحصل في الدنيا كلها

على الأقل جار واحد ها يقول ظالم
صاحب ها يقول ظالم
قريب له عادل ها يقول ظالم
غير اخوالك اللي مؤكد عارفين انه ظالم

اللي حكتيه في معظمه باين امام كل الناس فيما عدا حاجات نادرة

يبقى ازاي؟

ولا بني آدم يحكم بالعدل؟!!!!

احنا لسه موصلناش لغابة كاملة كده

غير معرف يقول...

بصراحة بقى انا مش متعاطفة
اية البيئة السوداء اللى بتحكى عنها دى

يعنى بعد كل دا لا امك اكلتو بأسننها على اللى عملوا فيكى ولا خافت على اختك وقررت تبيع الدنيا عشانكم
ولا اخوكى اخد موقف رجالة واستجدع كدا وبقى راجل

معلش يا دكتورة انا مش مستحملة اية القرف دا اول مرة احس انه ممينهاش امل مش لان هي ملهاش حل لان اصحابها مش عايزين يحلوها

يعنى هيحصل اية لما الام تطلب الخلع واهى كدا كدا فى الشقة هى وعيالها زيها زى غيرها من المصريات اتخلعوا كتير والابن هو اللى بيصرف ويبقوا يفهموا الناس على مهلهم يعنى هو استمالتة للناس هتضرهم فى اية اكتر ما هم مضرورين ولسة هيتضروا ما هو كدا كدا بيحسبنوا عليهم فى الاخر وكل مرة

لو كل الحكاية على الناس عشان يخلصوا من القرف دا يبقى يفهموا الناس براحتهم بس بعد ما يخلصوا من القرف اللى هم فيه دا ولو بعد كل دا فضلوا مستمرين برضو مع الراجل دا يبقى هم مش بس مستسلمين لا هم كمان اخدو على الوضع دا وعجبهم
بما فى ذلك دور الضحية اللى كلهم لبسوه وبقى شكلة وحش اوى عليهم

كلامى قاسى عارفة بس دا زنا محارم يا ناس ومعصية علنى كدا عينى عينك ناقص اية تانى يعنى مش فاهمة

غير معرف يقول...

صاحبة القصة

من المؤكد الناس عارفين اد ايه هو ظالم
بس فاكرين بكلامهم ليه انه صح واحنا غلط هيهدي عليهم
غير زي ما صاحب بابا قال لاخويا قبل كدا
كل واحد عنده مشاكله وعنده اللي مكفيه مش هيحل مشاكل غيره ولا يوجع دماغه بيها

حسيت ان كل واحد لما كان بيدافع عننا وكلام بابا واستعطافه للناس لغاية ما زهقو فقالو اللي قالوه وسابونا احنا

كل واحد عارف انه لو غلطه وقاله انت ظالم هيشتمه ويهينه فـ بيسكتو !

غير اننا حاولنا نتكلم ونفهم الناس مدانيش فرصة
وأكدلهم اد ايه اهلي قذرين ويستاهلو المعاملة دي !

والله ياستيتة عملنا اللي عمر ماحد يتخيله
وهو لا بيتهد .. ولا بيتهدي

سواح في ملك اللــــــــــــــــــه- يقول...

يابنتي
بهدلة ببهدلة
والناس ياخدوا فكرة وحشة ياخدو
في اقرب المشاكل روحي القسم
ومتقوليش غير انه بيضربنا انا وامي
وبس
وخدوا عليه تعهد بعدم التعرض
عشان لو حصل لاي حد فيكم حاجة
يبقي هو المسئول
وحسبنا وحسبك الله ونعم الوكيل
لازم الرد يكون قاسي
معنديش اي حل تاني

سواح في ملك اللــــــــــــــــــه- يقول...

يابنتي
بهدلة ببهدلة
والناس ياخدوا فكرة وحشة ياخدو
في اقرب المشاكل روحي القسم
ومتقوليش غير انه بيضربنا انا وامي
وبس
وخدوا عليه تعهد بعدم التعرض
عشان لو حصل لاي حد فيكم حاجة
يبقي هو المسئول
وحسبنا وحسبك الله ونعم الوكيل
لازم الرد يكون قاسي
معنديش اي حل تاني

Dr/ walaa salah يقول...

مفيش عندي تعليق غير اني اقول ربنا يهديه يا حبيبتي

ويارب يعجل بزواجك وتبعدي عنه وتبدي حياه جديده إن شاء الله

جايدا العزيزي يقول...

كان الله فى العون اختى صاحبه القصه

بس عندى كلمتين

مالا يقتلنى يقوينى

وعلى رأئ ستيته

من شاف بلاوى الناس هانت عليه بلوته

كونى قويه وتوكلى على الله

تحياتى

Haytham Alsayes يقول...

لسلام عليكم
خير يادكتورة
مالك انا حاسس ان في حاجة من امبارح
يمكن عشان البوست اللي فات ؟

والله يافندم مفيش حاجة مستهلة
واللي عاجبه رأيك اهلا وسهلا واللي مش عاجبه هو حر في الرأى التاني
هي المدونات اتعملت ليه
كل واحد يعمل اللي هو عاوزه ويكتب رأيه
والتاني عليه ان يتقبل هذا الرأى او يناقشه بهدوء وتسامح
ولو مش عجبه الرأى ميدخلش من الاساس
يارب اكون فاهم صح

اما بقي عن الكلمات المنقولة
روعة تتكتب بالدهب

لازم الحتة اللي ضايعة تيجي وتثبت جوا النفس
عموما اصحاب القلوب الماسية والنفوس الشفافة من اقل حاجة بيتأثروا باللي حواليهم وبالاوضاع وممكن تصل الي حد الاكتئاب واظن انك منهم

والله العظيم يادكتورة مفيش حاجة مستهلة لاى زعل كلنا راحيين كمان كام سنة من عمر اي واحد فينا عند ربنا هو اللي عنده الراحة والسكينة وربنا يرزقنا جميعا حسن الخاتمة والجنة بفضله وكرمه ورحمته

اه كلنا عمالين نتكلم ونتكلم ونتكلم وبس
بس في النهاية لازم نتكلم عشان نفسنا ترتقي وعشان مخنا يترتب وعموما عالم المدونات دة عالم سحري لا افتراضى لانه بيبين شخصية كل واحد فينا سواء بعيوبها او بافضل مافيها

يمكن تعليقي المرة دي مش مرتب وملخبط بس حبيت اقول كل اللي جوايا في اللحظة دي

دمتي سالمة من اي خدش خارجي او داخلي
وربنا يرزقك حسن البصيرة ورجاحة العقل والتسامح ومعه المرح ايضا
امين


تحياتي وتقديرى

معلش يادكتورة انا مش عارف اعلق في المدونة التانية مش عارف العيب عندى ولا في المدونة علي العموم اهم حاجة التعليق وصلك في اي حتة